არჩევნებიდან მეორე დღეს არაერთი ოპოზიციური პარტიის ორგანიზებით ჯერ პარლამენტთან, შემდეგ კი ბიძინა ივანიშვილის ბიზნესცენტრთან გაიმართა საპროტესტო აქცია, სადაც არჩევნების შედეგების გაბათილება მოითხოვეს. კიდევ ერთი აქცია კვირას, 8 ნოემბერს იგეგმება.
2 ნოემბერს ოპოზიციური პარტიის ლიდერები ეუთო/ოდირის სადამკვირვებლო მისიის წარმომადგენლებსაც შეხვდნენ და არჩევნებთან დაკავშირებით საკუთარი პოზიციები გააცნეს. შეხვედრის შემდეგ ოპოზიციის წარმომადგენლებმა თქვეს, რომ სადამკვირვებლო მისიის წარმომადგენლები არჩევნების ლეგიტიმურობის საკითხს საქართველოს მოსახლეობის გადასაწყვეტად მიიჩნევენ.