2021 წელს  საქართველოში წლიური ინფლაციის დონემ 13,9%-ი შეადგინა.  დეკემბერში წინა თვესთან შედარებით ინფლაციის დონემ  0,3%-ით იმატა.

ამის შესახებ საქართველოს სტატისტიკის ეროვნული სამსახურის ახალ ანგარიშშია ნათქვამი.

რაც შეეხება საბაზო ინფლაციას გასული წლის დეკემბერს – აქ ზრდამ 5,9% შეადგინა, ხოლო თამბაქოს გარეშე წლიური საბაზისო მაჩვენებელი 6%-ით განისაზღვრა.

აგვისტოს თვის შემდეგ საქართველოში წლიური ინფლაცია მუდმივად აღემატება 12 პროცენტს, ეროვნული ბანკის სამიზნე მონაცემი კი 3 პროცენტია.

ინფლაცია 2021 წლის დეკემბერში. ფოტო: საქსტატი

წლიური ინფლაციის ფორმირებაზე ძირითადი გავლენა იქონია ფასების ცვლილებამ შემდეგ
ჯგუფებზე: სურსათი და უალკოჰოლო სასმელები (15,6%-იანი ზრდა) და ტრანსპორტი (17,3%-იანი ზრდა).

უფრო კონკრეტულად, ფასები მომატებულია ისეთ სურსათზე, როგორიცაა:

• ზეთი და ცხიმი (24.5 პროცენტი);
• ბოსტნეული და ბაღჩეული (20.7 პროცენტი);
• პური და პურპროდუქტები(20.2 პროცენტი);
• შაქარი, ჯემი და სხვა ტკბილეული (19.8 პროცენტი);
• თევზეული (16.5 პროცენტი);
• რძე, ყველი და კვერცხი (15.3 პროცენტი);
• მინერალური და წყაროს წყალი, უალკოჰოლო სასმელები და ნატურალური წვენები (13.5 პროცენტი);
• ხილი და ყურძენი (10.5 პროცენტი);
• ხორცი და ხორცის პროდუქტები (10.2 პროცენტი);
• ყავა, ჩაი და კაკაო (6.1 პროცენტი);

საქართველოში პურის ფასების ზრდის შესახებ იხილეთ ნეტგაზეთის სტატია:

• რატომ ძვირდება პური

ნახეთ ასევე:

სებ-მა რეფინანსირების განაკვეთი გაზარდა, სესხი 100 000-ზე მეტ მოქალაქეს გაუძვირდება