სამხრეთ ფლორიდაში, მაიამი ბიჩის მიმდებარედ, სერფსაიდში, საცხოვრებელი კორპუსი ნაწილობრივ ჩამოინგრა, რის შედეგადაც, სულ მცირე, ერთი ადამიანი დაიღუპა. როგორც CNN წერს, არსებობს საფრთხე, რომ ადამიანები ნანგრევების ქვეშ იყვნენ მოყოლილი.
Boy rescued from the rubble of a building collapse in Surfside, Florida — near Miami Beach.
Hundreds of first responders are on the scene right now.
Rescue operation continues at 8777 Collins Ave. pic.twitter.com/Hnq7Gd9QW4— Brian Entin (@BrianEntin) June 24, 2021
გამოცემა აღნიშნავს, რომ შენობა 10-სართულიანი იყო. სერფსაიდის მერის თქმით, მომხდარის შედეგად, სულ მცირე, ერთი ადამიანი დაიღუპა, 10-მდე პირი კი, სავარაუდოდ, ნანგრევებშია მოყოლილი.
ფოტო: მაიამის პოლიცია
ადგილზე მუშაობენ სახანძრო-სამაშველო ბრიგადები. როგორც CNN-ს თვითმხილველი უყვება, თავად შენობის ნგრევის ხმა არ გაუგია და ღამით განგაშის სიგნალმა გააღვია. ქალი, რომელიც ამჟამად სხვა პირებთან ერთად უსაფრთხო ადგილზეა გადაყვანილი, ამბობს, რომ როდესაც გარეთ გამოვიდა, უკვე ჩამონგრეული კორპუსი დაინახა.
როგორც CNN წერს, შენობას სახურავზე სარემონტო სამუშოები უტარდებოდა, თუმცა არის თუ არა ეს მომხდართან კავშირში, ამ დროისთვის დადგენილი არაა.
