გერმანელი ევროპარლამენტარი ვიოლა ფონ კრამონი აკრიტიკებს “ნაციონალურ მოძრაობას”, რომელიც ხანგრძლივი ბოიკოტის შემდეგ პარლამენტში შედის.
კრამონი, რომელიც ენმ-ის პარლამენტში შესვლის გადაწყვეტილებამდე ექსპრეზიდენტ მიხეილ სააკაშვილსაც შეხვდა, წერს:
“ძალიან სამწუხაროა, რომ ენმ-მ გადაწყვიტა ხელი არ მოაწეროს 19 აპრილის შეთანხმებას. შეთანხმების მიზანი უკეთესი სასამართლო სისტემა და უფრო სამართლიანი პარლამენტია. პოლიტიკურ პასუხისმგებლობაზე თავის არიდება და დანარჩენი ოპოზიციის ხარჯზე გასვლა არაკონსტრუქციული პოლიტიკის ნიშანია”, – წერს კრამონი ტვიტერზე 30 მაისს.
🇬🇪 Very regrettable that #UNM for now decided not to sign the April 19 agreement. The agreement contributes to better judiciary & fairer Parliament of #Georgia. Avoiding political responsibility & free-riding on cost of rest of the opposition is a sign of nonconstructive politics https://t.co/rv0dWTe6D1
— Viola von Cramon (@ViolavonCramon) May 30, 2021
ენმ-მ 30 მაისს განაცხადა, რომ პარლამენტში შედის.
