აზერბაიჯანის მიერ მთიან ყარაბაღზე განხორციელებული სარაკეტო თავდასხმის შედეგად დაიღუპა სულ მცირე ორი ადამიანი –   წერს ტვიტერზე დე ფაქტო ყარაბაღის რესპუბლიკის ომბუდსმენი გეგამ სტეპანიანი.

მისი თქმით, არსებული ინფორმაციით, დაღუპულთაგან ერთი ბავშვია. სტეპანიანი აგრეთვე წერს თერთმეტ დაშავებულზე, რომელთა შორის რვა ბავშვია. დე ფაქტო ყარაბაღის ომბუდსმენმა დაშავებულთა ფოტოებიც გამოაქვეყნა.

There are multiple casualties and injuries among civilians including children. According to the data collected at this moment there are at least 2 causalities including one child and 11 injuries including 8 children caused by Azerbaijan’s attacks. pic.twitter.com/00OMH3f2cF

— Gegham Stepanyan #StopArtsakhBlockade (@Gegham_Artsakh) September 19, 2023

მთიანი ყარაბაღის იმ ტერიტორიაზე, რომელსაც ამ ეტაპზე აზერბაიჯანული მხარე არ აკონტროლებს, აზერბაიჯანმა დღეს, 19 სექტემბერს შეტევა დაიწყო. ბაქოს ცნობით, ის “ანტიტერორისტულ ოპერაციას” ატარებს. სომხეთის პრემიერ-მინისტრის, ნიკოლ ფაშინიანის განცხადებით, აზერბაიჯანის მიზანია, სომხეთი ჩაითრიოს საბრძოლო მოქმედებებში, თუმცა მთიან ყარაბაღში არ იმყოფებიან სომხური დანაყოფები.

• იხილეთ: რა ხდება ყარაბაღში – განახლებადი

სტეპანაკერტში დე ფაქტო ოფიციალური სტრუქტურების განცხადებით, აზერბაიჯანის მხრიდან საჰაერო შეტევების შედეგად, სულ მცირე 2 ადამიანი დაიღუპა და 11 დაიჭრა, მათ შორის არიან ბავშვები.

საერთაშორისო საზოგადოებაში ეხმაურებიან აზერბაიჯანის მიერ ყარაბაღში „ანტიტერორისტული ოპერაციის“ გამოცხადებას და საბრძოლო მოქმედებების დაწყებას. ამ ეტაპზე განცხადებები გამოაქვეყნეს ევროკავშირის და ევროსტრუქტურების წარმომადგენლებმა.

• „რუსეთმა მწვანე შუქი აუნთო ალიევს“ – საერთაშორისო გამოხმაურება ყარაბაღზე