„რუსეთის ფოსტა“ განიხილავს საქართველოში პირდაპირი ავიაგადაზიდვების შესაძლებლობას, უთხრეს კომპანიაში სამთავრობო მედია „რია ნოვოსტის“.

„რამდენიმე ავიაკომპანიის სტაბილური რეისის გამოჩენის შემდეგ, ოპერატიულად განვიხილავთ ფოსტის [საქართველოში] პირდაპირი ავიაგადაზიდვის შესაძლებლობას“, – აცხადებენ „რუსეთის ფოსტაში“.

კომპანიის განმარტებით, ახლა ავიაფოსტას საქართველოში მესამე ქვეყნების გავლით აგზავნიან.

რუსეთმა 10 მაისს მოხნა შეზღუდვა საქართველოსთან პირდაპირ ფრენებზე. მოსკოვში ამ გადაწყვეტილებას „ჰუმანიტარული ხასიათის“ უწოდეს.

• პესკოვის თქმით, სავიზოს გაუქმება „ჰუმანიტარული ხასიათის“ გადაწყვეტილებაა

საქართველოს ხელისუფლება მოსკოვის გადაწყვეტილებას მიესალმება და ამბობს, რომ ეს გაუმარტივებს ცხოვრებას რუსეთში მცხოვრებ „მილიონ ქართველს“. მთავრობაში აგრეთვე აცხადებენ, რომ მხოლოდ არასანქცირებული კომპანიები და ხომალდები შეძლებენ ფრენას. მოქალაქეთა ნაწილი ავიამიმოსვლის აღდგენას აპროტესტებს.

• „ყველაზე მკაცრი მიდგომა ავირჩიეთ“ – რას ამბობს დავითაშვილი რუსეთთან ფრენებზე

ფრენების ნებართვა უკვე მიიღო ორმა კომპანიამ – რუსულმა „აზიმუტმა“ და ქართულმა „Georgian Airways-მა“.