წარუმატებელი თვითმკვლელობისთვის არავინ დაგაჯარიმებთ

სოციალური ქსელებით ბოლო დროს აქტიურად ვრცელდება სხვადასხვა მედიასაშუალების მიერ გავრცელებული ინფორმაცია, თითქოს წარუმატებელი თვითმკვლელობის შემთხვევაში, პირს ქართული კანონმდებლობით 500 ლარით დააჯარიმებენ.

სინამდვილეში, ეს ინფორმაცია სიმართლეს არ შეესაბამება. ვერც ერთ ქართულ კანონში ამის შესახებ ჩანაწერს ვერ ნახავთ.

“თვითმკვლელობის მცდელობა საქართველოს კანონმდებლობით დასჯად ქმედებას არ წარმოადგენს და, ბუნებრივია, რომ არც უნდა წარმოადგენდეს. არ შეიძლება ადამიანს ვსჯიდეთ საკუთარი სხეულის ან ჯანმრთელობისთვის ზიანის მიყენების ან საკუთარი სიცოცხლის მოსპობისთვის”, – განუცხადა ნეტგაზეთს “საქართველოს დემოკრატიული ინიციატივის” თავმჯდომარემ, იურისტმა გიორგი მშვენიერაძემ.

იმ შემთხვევაში, თუ სუიციდისკენ მიდრეკილება გაქვთ, კვალიფიციური დახმარებისთვის მიმართეთ ფსიქოლოგს.

ნეტგაზეთის მასალების სხვა გამოცემებში გადაბეჭდვის წესი


ავტორი
თაზო კუპრეიშვილი არის "ნეტგაზეთის" რედაქტორი 2018 წლის პირველი თებერვლიდან.