თემქაზე მიმდინარე მშენებლობიდან გადმოვარდნილი მუშა საავადმყოფოში გარდაიცვალა. ინფორმაცია “ნეტგაზეთს” შინაგან საქმეთა სამინისტროში დაუდასტურეს.

დღეს, 18 იანვარს, თბილისში, თემქაზე მიმდინარე მშენებლობიდან, მუშა სიმაღლიდან გადმოვარდა. შსს-ს ინფორმაციით, მუშა საავადმყოფოში გადაიყვანეს, თუმცა, მისი გადარჩენა ვერ მოხერხდა. დაზარალებული საცხოვრებელი კორპუსის მშენებლობაზე მუშაობდა.

როგორც ნეტგაზეთს შსს-ში განუცხადეს, გამოძიება სსკ-ს  240-ე მუხლით მიმდინარეობს, რაც სამთო, სამშენებლო ან სხვა სამუშაოს წარმოებისას უსაფრთხოების წესის დარღვევას გულისხმობს, რამაც გამოიწვია ჯანმრთელობის ნაკლებად მძიმე ან მძიმე დაზიანება.