ცოლის სისასტიკი მკვლელობისთვის ბრალდებულს 16 წლით პატიმრობა მიესაჯა

განსაკუთრებული სისასტიკით განზრახ მკვლელობისთვის ბრალდებულს, რომელმაც ეჭვიანობის ნიადაგზე ცოლს დანით სხეულის სხვადასხვა არეში 16 ჭრილობა მიაყენა, სასამართლომ 16 წლით პატიმრობა მიუსაჯა.

დღეს, 1 დეკემბერს, რუსთავის საქალაქო სასამართლომ სრულად გაიზიარა ბრალდების მხარის მიერ წარდგენილი მტკიცებულებები და ცოლის განსაკუთრებული სისასტიკით განზრახ მკვლელობისთვის ბრალდებული ხ.ნ. დამნაშავედ ცნო სისხლის სამართლის კოდექსის 111, 109-ე მუხლის მესამე ნაწილის ,,ბ’’ ქვეპუნქტით.

პროკურატურის ინფორმაციით, 2017 წლის 3 მაისს, დაახლოებით 21:00 საათზე, ბოლნისის რაიონში, საკუთარ საცხოვრებელ სახლში, ხ.ნ-მ ეჭვიანობის ნიადაგზე ცოლს დანით სხეულის სხვადასხვა არეში 16 ჭრილობა მიაყენა. მიღებული ჭრილობების შედეგად ე.გ. ადგილზე გარდაიცვალა. სამართალდამცველებმა ბრალდებული დანაშაულის ჩადენის ადგილზე დააკავეს.

ნეტგაზეთის მასალების სხვა გამოცემებში გადაბეჭდვის წესი
ავტორი
გიორგი დიასამიძე არის ნეტგაზეთის რეპორტიორი 2014 წლიდან. აშუქებს საზოგადოებრივ-პოლიტიკურ თემებს, სპორტს და სხვა მიმდინარე მოვლენებს. ასევე, მუშაობს განათლების, ადამიანის უფლებებისა და სოციალურ საკითხებზე.