სომხეთის ქალაქ გიუმრიში რუსული სამხედრო ბაზის მიმდებარედ 21 წლის რუსი ჯარისკაცის, დიმიტრი ალპაევის ცხედარი იპოვეს.
სომხეთის შსს-ს ცნობით, მოკლულ ჯარისკაცს კისრის არეში ბლაგვი საგნით ჭრილობები ჰქონდა მიყენებული.
საქმეზე სისხლის სამართლის გამოძიება დაიწყო. ამ დროისთვის, ოფიციალური ინფორმაციითვე, სავარაუდო მკვლელი, 20 წლის კაცია დაკავებული.
2015 წლის 12 იანვარს ქალაქ გიუმრიში დისლოცირებული რუსული სამხედრო ბაზის ჯარისკაცმა ვალერი პერმიაკოვმა გიუმრიში მცხოვრები ავეტისიანების ოჯახის წევრები მოკლა. პერმიაკოვს 10 წლით თავისუფლების აღკვეთა მიუსაჯეს.
გიუმრი, ფოტო: რია-ნოვოსტი
