ილია მეორე: ქალების საზღვარგარეთ სამუშაოდ წასვლა მანკიერი წესია

”დღეს შემოვიდა საქართველოში მანკიერი წესი, დედები ტოვებენ თავის ოჯახებს, მიდიან უცხოეთში და ქმარ-შვილი უპატრონოდ რჩება სახლში. ზოგიერთი ფიქრობს, რომ არ არის სამსახური – ეს არ არის სწორი. ყველაზე დიდი ქომაგი ადამიანისა და დამხმარე არის ჩვენი დედამიწა. ღმერთმა მოგვცა ჩვენ დედამიწა ისეთი მადლიანი, რომ როცა ადამიანი მიწაზე იშრომებს, ბედნიერი იქნება. აი, ამიტომ მე მინდა მოგმართოთ ყველას, მე მინდა მივმართო, უპირველეს ყოვლისა, ვინც წასულია, დაბრუნდით სახლში, სახლში უკეთესია. საქართველოსთანა ქვეყანა მსოფლიოში არ მოიძებნება. დაბრუნდით და იშრომეთ. ერთმა საქმემ თუ არ გაგიმართლათ, მიხედეთ მეორეს, მესამეს, მეათეს. არ შეიძლება ასეთ ქვეყანაში, როგორიც საქართველოა, უმუშევარი იყოს ადამიანი. მე იმედი მაქვს, რომ ჩვენი ხალხი დაბრუნდება საქართველოში,” – აცხადებს პატრიარქი.