12 საზოგადოებრივი ორგანიზაციის კოალიციამ, სამოქალაქო საზოგადოების ფონდის ლიდერობით, მოამზადა პირველი შუალედური ანგარიში – სტატუსმეტრი, რომელიც აფასებს, თუ რა გააკეთა საქართველოს ხელისუფლებამ 2023 წლის ნოემბრიდან დღემდე ევროკავშირის მიერ გაწევრების მოლაპარაკების დასაწყებად მიცემული 9 ნაბიჯის შესასრულებლად.

საზოგადოებრივი ორგანიზაციების წარმომადგნელების შეფასებით, ბოლო ხუთი თვის განმავლობაში ხელისუფლების მხრიდან არ ყოფილა სერიოზული ქმედებები 9 ნაბიჯის შესასრულებლად. ანგარიშის თანახმად, 7 ნაბიჯი ჯერ კიდევ შესასრულებელია; ნაწილობრივ შესრულებულია მეორე (ევროკავშირის ერთიანი საგარეო და უსაფრთხოების პოლიტიკასთან საქართველოს თანხვედრის გაუმჯობესება) და მეშვიდე (ორგანიზებული დანაშაულისა და კორუფციის წინააღმდეგ ბრძოლა) ნაბიჯების თვალსაზრისით.

ჩამოშალეთ: რა ნაბიჯები უნდა გადადგას საქართველომ?

„სამწუხაროა, რომ ხელისუფლებას არ გააჩნია პოლიტიკური ნება 9 ნაბიჯის შესასრულებლად, რასაც კიდევ ერთხელ ადასტურებს რუსული კანონის მიღების მცდელობა, რომელიც საქართველოს ევროკავშირისკენ მიმავალ გზას უხერგავს“, — მიიჩნევენ საზოგადოებრივი ორგანიზაციები.

სტატუსმეტრის ავტორები არიან:

1. სამოქალაქო საზოგადოების ფონდი;
2. საქართველოს რეფორმების ასოციაცია (GRASS);
3. რონდელის ფონდი (GFSIS);
4. საქართველოს ახალგაზრდა იურისტთა ასოციაცია (GYLA);
5. სამართლიანი არჩევნებისა და დემოკრატიის საერთაშორისო საზოგადოება (ISFED);
6. სასამართლოს გუშაგი;
7. სოციალური სამართლიანობის ცენტრი (SJC);
8. ინფორმაციის თავისუფლების განვითარების ინსტიტუტი (IDFI);
9. მმართველობის მონიტორინგის ცენტრი (GMC);
10. დემოკრატიის კვლევის ინსტიტუტი (DRI);
11. საქართველოს დემოკრატიული ინციატივა (GDI);
12. საფარი.