რუსული კანონის განხილვისას იურიდიულ საკითხთა კომიტეტის სხდომიდან 11 დეპუტატის გაძევების შემდეგ არასამთავრობო ორგანიზაციების წარმომადგენლებიც გააძევეს. კომიტეტის თავმჯდომარემ, ანრი ოხანაშვილმა ჯერ „საერთაშორისო გამჭვირვალობა — საქართველოს“ საპარლამენტო მდივანი, ლიკა საჯაია, შემდეგ კი „ჟურნალისტიკის რესურსცენტრის“ ხელმძღვანელი ნათია კუპრაშვილი გააძევა.
ლიკა საჯაია ცდილობდა დაესვა კითხვა, რატომ არის უფრო მეტად საფრთხის შემცველი ევროპიდან დაფინანსებული ორგანიზაცია, ვიდრე რუსეთიდან მომდინარე ფინანსები.
ოხანაშვილმა ლიკა საჯაია ჯერ რეგლამენტის დარღვევაში დაადანაშაულა, შემდეგ კი მიკროფონი გაუთიშა. ოხანაშვილის თქმით, მსგავსი შინაარსის კითხვის დასმა მხოლოდ პირველ მოსმენაზეა შესაძლებელი, დღეს კი კომიტეტი რუსულ კანონს მეორე მოსმენით განიხილავს.
„ძალიან უნამუსო ადამიანი ხართ“ — ისმის ლიკა საჯაიას ხმა, რის შემდეგად ოხანაშვილმა მას უზრდელი უწოდა და „დეპუტატისთვის შეურაცხყოფის მიყენებისთვის“ დარბაზი დაატოვებინა.
„რეგლამენტის დარღვევისთვის“ გაუთიშა მიკროფონი ოხანაშვილმა „ჟურნალისტიკის რესურსცენტრის“ ხელმძღვანელს, ნათია კუპრაშვილსაც, შემდეგ კი ისიც გააძევა დარბაზიდან.
მას შემდეგ, რაც ოხანაშვილმა იგივე საბაბით საუბრის საშუალება არ მისცა „ლიბერალური აკადემიის“ ხელმძღვანელ ლაშა ტუღუშს, მან კომიტეტის სხდომა საკუთარი ნებით, პროტესტის ნიშნად დატოვა.
დღეს, 29 აპრილს, იურიდიულ საკითხთა კომიტეტის სხდომაზე რუსული კანონის მეორე მოსმენით განხილვისას ანრი ოხანაშვილმა 11 დეპუტატი გააძევა დარბაზიდან. კომიტეტის თავმჯდომარე განხილვაში მონაწილეებს გამუდმებით აწყეტინებდა სიტყვას, უთიშავდა მიკროფონს და არ აძლევდა აზრის გამოთქმის, კითხვის დასმის თუ დაზუსტების საშუალებას.
ამავე თემაზე:
- ოხანაშვილმა კიდევ 3 დეპუტატი გააძევა, იაგო ხვიჩიამ სხდომა პროტესტის ნიშნად დატოვა
- „რუსული კანონის“ განხილვიდან მე-8 დეპუტატი, ლევან ხაბეიშვილიც გააძევეს
- რუსული კანონის განხილვიდან მე-7 დეპუტატი, ანა წითლიძეც გააგდეს
- რუსული კანონის მეორე საკომიტეტო მოსმენიდან ქეთი თურაზაშვილიც გააძევეს
- რუსული კანონის საკომიტეტო განხილვიდან თაკო ჩარკვიანიც გააძევეს
- რუსული კანონის მეორე საკომიტეტო განხილვიდან სალომე სამადაშვილიც გააგდეს
- რუსული კანონის საკომიტეტო განხილვიდან თამარ კორძაიაც გააგდეს
- გიორგი ვაშაძე და ლევან ბეჟაშვილი კომიტეტის სხდომიდან გააძევეს
- იურიდიულ კომიტეტზე რუსული კანონის განხილვა ხმაურით დაიწყო — აფრთხილებენ ოპოზიციონერებს
- პარლამენტში რუსული კანონის განხილვისას ონლაინ მედიის მუშაობა ისევ შეიზღუდება
