სოსო ბლიაძის მეორე სრულმეტრაჟიანი ფილმი „ჩემი ოთახი” დაჯილდოვდა ჟენევის 21-ე საერთაშორისო კინოფესტივალსა და ადამიანის უფლებათა ფორუმზე. სურათი მონაწილეობას იღებდა მხატვრული ფილმების კონკურსში. „ჩემი ოთახი” გამოარჩია კინოფესტივალის ახალგაზრდულმა ჟიურიმ:
„ჩვენი აზრით, ფილმი კიდევ ერთხელ შეგვახსენებს, რომ გადააზრებისა და განათლების გზით შესაძლებელია თავი დააღწიო კონსერვატიულ საზოგადოებასა და ტრადიციებს. ფილმში ერთმანეთს თანაბარზომიერად ერწყმის ურთიერთნდობა და იუმორი”, – ასეთია ნაწყვეტი ფილმის შეფასებიდან.
ფილმს აქამდე მოპოვებული აქვს ჯილდოები „კარლოვი-ვარის“, „კიოლნის“, „ბელფასტის“, „ევროპულ“ და თბილისის კინოფესტივალებზე.
„ჩემი ოთახის” ნახვა შესაძლებელია საქართველოს კინოთეატრებში.