ბრიტანეთის კინოინსტიტუტმა გამოავლინა 2022 წლის 50 საუკეთესო ფილმი. სურათების შერჩევაში მონაწილეობა მიიღო 93-მა  კინომცოდნემ. სიაში მოხვდა სოსო ბლიაძის მეორე სრულმეტრაჟიანი ფილმი “ჩემი ოთახი”. ქართული ფილმი იკავებს სიის 49-ე ადგილს.

“ბლიაძის მეორე სრულმეტრაჟიან ფილმში ნაჩვენებია ორი, ერთმანეთისგან განსხვავებული ახალგაზრდა ქალის ემოციური და პოლიტიკური გამოღვიძების პროცესი, რომლებიც იძულებულნი არიან გაიზიარონ ბინა პატრიარქალურ, პანდემიურ საქართველოში”, – წერია ფილმის შეფასებაში.

ფილმმა “ჩემი ოთახი” 2022 წელს მოიპოვა პრიზები „კარლოვი-ვარის“, „კიოლნის“, „ბელფასტის“ ,„ევროპულ“  და “თბილისის საერთაშორისო” კინოფესტივალებზე.