ნეტგაზეთი | ფარჩაკები უნდა ვიყოთ, რომ ესენი ვერ დავასრულოთ — სააკაშვილი “უცნობის” აქციას ეხმაურება ფარჩაკები უნდა ვიყოთ, რომ ესენი ვერ დავასრულოთ — სააკაშვილი “უცნობის” აქციას ეხმაურება – Netgazeti
Batumelebi | RU

ფარჩაკები უნდა ვიყოთ, რომ ესენი ვერ დავასრულოთ — სააკაშვილი “უცნობის” აქციას ეხმაურება

საქართველოს მესამე პრეზიდენტი მიხეილ სააკაშვილი გია გაჩეჩილაძის(უცნობი) ორგანიზებით თბილისში გამართულ აქციას ეხმაურება. ის შეკრებაზე მისულთა რაოდენობაზე ამახვილებს ყურადღებას და “ფეისბუქზე” წერს:

“აი, ამდენი დარჩნენ ზუსტად ქოცები თავის სახელმწიფო მოხელეებთან ერთად, რაც დღეს იხილეთ. ასლანს თავისი დასასრულის ჟამს ბევრად მეტი ყავდა. ახლა ჩვენ უნდა ვიყოთ სრული ფარჩაკები, ესენი რომ ვერ დავასრულოთ… ქართველ ხალხს ივანიშვილი ვერ გააფარჩაკებს!”

თბილისში, ევროპის მოედანზე, გია გაჩეჩილაძის (უცნობი) ორგანიზებით აქცია 9 აპრილს გაიმართა. ორგანიზატორის განცხადებით, 9 აპრილი ქართველი ხალხის მარადისობის დღეს დააწესებენ. მანვე აღნიშნა, რომ პოლიტიკური სპექტრი და მედიასაშუალებების დღის წესრიგი ხალხის განწყობებს აცდენილია, საზოგადოება კი ფსევდოდაპირისპირებით დაიღალა.

აქციის მიმდინარეობისას, “უცნობმა” ევროპის მოედანზე აღმართულ ბერლინის კედლის ფრაგმენტზე “პულივიზატორით” გააკეთა წარწერა “ღმერთი სიყვარულია”. თბილისის მერიაში განაცხადეს, რომ აღნიშნული ქმედება(ხსენებულ ფრაგმენტზე წარწერის გაკეთება) კანონდარღვევაა და “უცნობი” დაჯარიმდება.

ევროპის მოედნიდან აქციის მონაწილეები მსვლელობით დაიძრნენ საპატრიარქოსკენ და ამ გზით მართლმადიდებელი ეკლესიის პატრიარქისადმი პატივისცემა გამოხატეს. საპატრიარქოს საზოგადოებასთან ურთიერთობის სამსახურის უფროსმა მადლობა გადაუხადა მათ.

საპატრიარქომ „უცნობის“ სამადლობელი პოსტი შეცვალა, პრესცენტრის უფროსი კვლავ მადლობას იხდის

ნეტგაზეთის მასალების სხვა გამოცემებში გადაბეჭდვის წესი
ავტორი
მიხეილ გვაძაბია არის ნეტგაზეთის რეპორტიორი 2017 წლის სექტემბრიდან