ევროპული საქართველო აცხადებს, რომ დაფიქსირდა შემთხვევები, როცა საარჩევნო უბნებზე ამომრჩეველს აძლევენ ბიულეტენებს, რომლებზეც მათი პარტიის ნომერი მოხეულია და ამომრჩევლებს არ ეძლევათ შესაძლებლობა, შემოხაზონ #2. ეს სწორედ ამ პარტიის ნომერია.
პარტიის ერთ-ერთი ლიდერის, სერგი კაპანაძის თქმით, საუბარი არ არის ერთ და ორ ბიულეტენზე.
მისი თქმით, მსგავსი შემთხვევები დაფიქსირდა ვაკის 54-ე და გურჯაანის 31-ე უბნებზე.
კაპანაძის თქმით, მას შემდეგ, რაც მათმა წარმომადგენელმა ამის შესახებ საჩივარი დაწერა გურჯაანში, ის უბნიდან გააძევეს.
“ნეტგაზეთი” გურჯაანის 31-უბნის კომისიის თავმჯდომარეს, ნინო კორკოტაშვილს დაუკავშირდა, რომელმაც სატელეფონო კომენტარზე უარი განაცხადა.
ამ თემაზე “ევროპული საქართველოს” ვაკის მაჟორიტარობის კანდიდატმა ელენე ხოშტარიამაც გამოაქვეყნა ფოტო.
https://www.facebook.com/Llaka/posts/10157193132155728
საქართველოში 2020 წლის საპარლამენტო არჩევნები მიმდინარეობს.