ევროპის სახალხო პარტიის პრეზიდენტი დონალდ ტუსკი აცხადებს, რომ საერთაშორისო საზოგადოებამ ყველაფერი უნდა იღონოს, რათა სომხეთსა და აზერბაიჯანს შორის განახლებული სამხედრო დაპირისპირება სრულმასშტაბიან ომში არ გადაიზარდოს:
„გავაკეთოთ ყველაფერი, რომ კონფლიქტი არ გადაიზარდოს რეგულარულ ომში. ჩვენ მოვუწოდებთ ყველა მხარეს დიალოგისკენ. დიალოგის ერთადერთი ალტერნატივა არის კატასტროფა მთელი რეგიონისთვის და მის ფარგლებს გარეთ“, – წერს დონალდ ტუსკი ტვიტერზე.
„ჩვენ ძალიან შეშფოთებულები ვართ მთიან ყარაბაღში სამხედრო მოქმედებების გამო“, – დაწერა მან.
We are very concerned by the hostilities in Nagorno-Karabakh. Let’s do everything in our power for the conflict not to change into a regular war. We call on all parties to maintain dialogue. The only alternative to dialogue is a catastrophe for the whole region and beyond.
— Donald Tusk (@donaldtuskEPP) September 27, 2020
27 სექტემბრის დილიდან მთიან ყარაბაღში სამხედრო შეტაკებები ისევ განახლდა. მხარეები მსხვერპლზე საუბრობენ და სამხედრო მოქმედებების განახლებაში კვლავ ერთმანეთს ადანაშაულებენ. სომხეთში და ყარაბაღში საყოველთაო მობილიზებაა გამოცხადებული. აზერბაიჯანი საუბრობს „ოპერაციაზე სრულ ფრონტზე“.