სმენადაქვეთბული ბავშვების მშობლები სახელმწიფსგან სისტემური პოლიტიკის შემუშავებას ითხოვენ. როგორც “კვირის” პრესკლუბში გამართულ პრესკონფერენციაზე მშობლებმა განაცხადეს, სახელმწიფო სერვისები ფრაგმენტულია და ისეთ მნიშვნელოვან ასპექტებს არ მოიცავს, როგორიც ადრეული დიაგნოსტიკა და ოჯახის მხარდაჭერაა.

ფონდ “აურესის” თავმჯდომარე ეკატერინე თორთლაძე ამბობს, რომ აღნიშნული პორბლემა არამხოლოდ სმენადაქვეითბული ბავშვების, არამედ ზოგადად, შშმ პირთათვის არსებულ პროგრამებში არსებობს:

“გამოწვევა არის, რომ სისტმურად ვერ არის დანახული ეს პრობლემა. ჩვენ სწორედ ამ მესიჯს ვუგზავნით სახელმწიფოს, არაფრაგმენტული რეაგირება პრობლემის, არამედ შემუშავება ეროვნული პოლიტიკის. არსებობს გარკვეული პორგრამები, მაგრამ ეს არაა სისტემური. დედას, ოჯახს ვერ ხედავს სისტემა შშმ პირებთან მიმართებით და მეორე მხრივ არის ის, რომ ბავშვი ადრეული ასაკიდან იყოს დანახული, სისტემაში მოხვედრილი და მას სახელმწიფო თავისი ზრუნვით დაყვებოდეს დაბადებიდან სასკოლო ასაკში და ა.შ.” – ამბობს თორთლაძე.

ამასთან, მშობლები ყურადღებას ამახვილებენ სამენტორო პროგრამების საჭიროებაზე, რომელიც ბავშვისთვის სმენის დაქვეითების დიაგნოზის დასმის შემდეგ მშობლებს მიაწვდის საჭირო ინფორმაციას:

“როცა მშობელი აღმოაჩენს, რომ მის შვილს აქვს სმენის დაქვეითება, უნდა იყოს სამენტორო პროგრამა მშობლისთვის, რომელიც მას სწორ მიმართულებას მისცემს. ჯანმრთელობის მსოფლიო ორგანიზაციის რეკოემნდაციაც ესაა: ადრეული ჩარევა,  ტექნოლოგიების დახმარებით კომუნიკაცია თუ განათლებაზე ხელმისაწვდომობა იქნება შესაძლებელი” – ამბობს ლელა ნიკოლაძე.

ამასთან, მშობლები ხაზს უსვამენ ადაპტირებული გარემოს შექმნის საჭიროებას. მათი თქმით, მეტწილად სახელმწიფო აქცენტს ჟესტური ენის მომხმარებლებზე აკეთებს. მათთვის კი, ვინც ჟესტურ ენას არ იყენებენ საჭირო ტექნოლოგიები დანერგილი არაა.