საქართველოს პრემიერ-მინისტრი გიორგი გახარია საქართველოში აშშ-ის ახლადდანიშნულ ელჩს, კელი დეგნანს, ფიცის დადებას ულოცავს.
გახარიამ ტვიტერზე დაწერა: „ვულოცავ კელი დეგნანს საქართველოს ელჩად ფიცის დადებას. მოუთმენლად ველით თქვენთან მუშაობას, რათა წინ წავწიოთ საქართველოს ევროპული და ევრო-ატლანტიკური მისწრაფებები და შევიტანოთ კიდევ უფრო მეტი დინამიკა ჩვენს დიდ ერებს შორის სტრატეგიულ პარტნიორობაში“.
Congratulations to Kelly Degnan on her swearing-in as US Ambassador to #Georgia. We look forward to working with you to advance Georgia’s European & Euro-Atlantic aspirations and bring even greater dynamism to the strategic partnership between our two great nations.
— Giorgi Gakharia (@GakhariaGiorgi) January 17, 2020
აშშ-ის სენატმა საქართველოში აშშ-ის ელჩად კელი დეგნანი 20 დეკემბერს დაამტკიცა. დეგნანმა ფიცის დადებისას იმ ძირითად გამოწვევების შესახებ ისაუბრა, რის წინაშეც, მისი აზრით, საქართველო ამ ეტაპზე დგას: სამართლიანი არჩევნები, სასამართლო და ოკუპაცია.
ამერიკის შეერთებულ შტატებს საქართველოში ელჩი 2018 წლის აპრილიდან არ ჰყავდა, – მას შემდეგ, ელჩ იან კელის სწორედ ამ დროს ამოეწურა უფლებამოსილების ვადა. ელჩის მოვალეობას ელიზაბეთ რუდი ასრულებდა.
დეგნანი კარიერული დიპლომატია, რომელიც ბოლო დრომდე აშშ-ის საზღვაო ძალების ევროპის ხელმძღვანელობის პოლიტიკური მრჩეველი იყო. ის ასევე იყო იტალიაში აშშ-ის მისიის ხელმძღვანელის მოადგილე, ასევე, სახელმწიფო დეპარტამენტის აღმასრულებელი მდივნის მოადგილე, კოსოვოში აშშ-ის მისიის ხელმძღვანელის მოადგილე.
თეთრი სახლის ინფორმაციით, 25-წლიანი კარიერის განმავლობაში კელი დეგნანი აშშ-ის წარმომადგენლობებში მუშაობდა, მათ შორის, ნატოში (ბელგია), ანკარაში (თურქეთი) და ა.შ.
დეგნანს მიღებული აქვს Northwestern University-ის ბაკალავრის ხარისხი ჟურნალისტიკაში, ასევე, სამართლის დოქტორის ხარისხი სამხრეთ კალიფორნიის უნივერსიტეტში.
სამართლიანი არჩევნები, სასამართლო და ოკუპაცია – საქართველო დეგნანის ფიცის დადების სიტყვაში
