პარლამენტმა ახალი მთავრობა დაამტკიცა

პარლამენტმა გიორგი გახარიას ნდობა გამოუცხადა პრემიერ-მინისტრის თანამდებობაზე. ეს იმას ნიშნავს, რომ გახარია ახალი პრემიერ-მინისტრია. მან 98 ხმა მიიღო. კენჭისყრაში მონაწილეობას ქართული ოცნების წარმომადგენლები იღებდნენ

პარლამენტის გადაწყვეტილებით შს მინისტრის თანამდებობას ვახტანგ გომელაური დაიკავებს, ხოლო თავდაცვის მინისტრი ირაკლი ღარიბაშვილი გახდა. გავრცელებული ინფორმაციით, არ არის გამორიცხული მომავალში რამდენიმე მსხვილი სამინისტრო გაიყოს, მაგალითად განათლების სამინისტროს შესაძლოა კულტურის მიმართულება ისევ ცალკე გამოეყოს.

პრემიერის თანამდებობაზე გიორგი გახარია მამუკა ბახტაძეს ცვლის. გახარია “ქართული ოცნების” ხელისუფლების პირობებში მე-5 პრემიერია ბიძინა ივანიშვილი, ირაკლი ღარიბაშვილი, გიორგი კვირიკაშვილისა და მამუკა ბახტაძის შემდეგ.

გახარია დაწინაურებას აპროტესტებენ “სირცხვილიას” აქციის მონაწილეები, რომლებმაც დილიდან ‘სირცხვილის კორიდორების” მოაწყვეს პარლამენტთან. გახარიას პრემიერობის წინააღმეგ გამოვიდა არასამთავრობოების ნაწილი. მათი თქმით, 20-21 ივნისის საქმეზე გამოძიება ჯერ დასრულებული არ არის.

ნეტგაზეთის მასალების სხვა გამოცემებში გადაბეჭდვის წესი
ავტორი
დათო ქოქოშვილი არის ნეტგაზეთის რედაქტორი 2018 წლის 1 თებერვლიდან. მანამდე ის იყო ნეტგაზეთის რეპორტიორი 2013 წლიდან. Email: davit.qoqoshvili@gmail.com