ახალი ამბებისაზოგადოება

ხმაური ახალქალაქის საოლქო კომისიაში – მობილიზებულია პოლიცია

28 ოქტომბერი, 2018 • 1379
ხმაური ახალქალაქის საოლქო კომისიაში – მობილიზებულია პოლიცია

ხმაურია ახალქალაქის საოლქო კომისიაში, სადაც საარჩევნო უბნებიდან ოქმები შეაქვთ. მას შემდეგ, რაც ენმ-ის ერთ-ერთმა წევრმა, ყოფილმა დეპუტატმა მეგი გოცირიძემ 40-ე საოლქო კომისიის თავმჯდომარე გაყალბებაში დაადანაშაულა,  პოლიცია გამოიძახეს.

მანამდე ამავე ოლქში ენმ-ის წარმომადგენელმა თეონა ჭალიძემ “ნეტგაზეთს” უთხრა, რომ ოლქის თავმჯდომარემ მას ფიზიკური შეურაცხყოფა მიაყენა, თუმცა ოლქის თავმჯდომარის თქმით, მან 58-ე უბნიდან შემოსული ოქმი გადაარჩინა, რომლის დახევაც ჭალიძეს სურდა.

ორივე შემთხვევაში ადგილზე გამოიძახეს პოლიცია და, როგორც შსს-ში განუცხადეს “ნეტგაზეთს”, ტარდება წინასაგამოძიებო ღონისძიებები.

“დანაშაულის ნიშნების გამოკვეთის შემდეგ ფაქტზე შესაბამისი სამართლებრივი კვალიფიკაციით გაგრძელდება მოკვლევა”, – აცხადებს შსს.

დიდი ოდენობით პოლიციელები არიან მობილიზებული ოლქის შენობის წინაც.

28 ოქტომბერს საქართველოში პრეზიდენტის არჩევნები ჩატარდა. ცესკოს ცნობით, პირველადი შედეგები 29 ოქტომბერს, 02.00 საათისთვის გამოქვეყნდება.

მასალების გადაბეჭდვის წესი