2017 წელს საქართველოში 616 200 შინაური ცხოველი და 10 050 800 ფრინველი დაკლეს – საქსტატი

საქართველოს სტატისტიკის ეროვნული სამსახურის ინფორმაციით, 2017 წელს სასაკლაოებზე 616 200 მხვილფეხა და წვრილფეხა შინაური ცხოველი და 10 050 800 ფრინველი დაკლეს.

საქსტატის ცნობით, 616 200 დაკლულ შინაურ ცხოველს შორის 35,0% მსხვილფეხაა, 65,0% – წვრილფეხა (ცხვარი, თხა, ღორი და სხვა).

სტატისტიკის მიხედვით, 2017 წლის განმავლობაში სასაკლაოებზე 42 105 300 ტონა ხორცი აწარმოეს, საიდანაც 42,0% მოდის მსხვილფეხა რქოსანი პირუტყვის ხორცზე, 34,4% – ფრინველის, 13,9% – ღორის, 9,6% – ცხვრისა და თხის ხორცზე.

ოფიციალური მონაცემებით, 2017 წლის განმავლობაში სასაკლაოებში მომსახურება გაუწიეს 70 400 პირს, საიდანაც 38,9% ოჯახურ მეურნეობებს წარმოადგენს. პირუტყვის დაკვლაზე მომსახურების საშუალო ფასი მსხვილფეხა რქოსანი პირუტყვის შემთხვევაში 23,9 ლარს შეადგენს, ცხვრის ან თხის დაკვლაზე – 9,6 ლარს, ხოლო ღორის დაკვლაზე- 20,5 ლარს.

სტატისტიკის მიხედვით, სასაკლაოებში დასაქმებულთა საშუალოთვიურმა რაოდენობამ 1060 კაცი შეადგინა. 2017 წელს საქართველოში 104 ცხოველთა და ფრინველთა სასაკლაო ფუნქციონირებდა. მათგან 19,3% მდებარეობს ქვემო ქართლში, 15,4% – კახეთში, 14,4% – იმერეთში, 14,4% – შიდა ქართლში, 10,6% – სამეგრელო-ზემო სვანეთში, 5,8% – აჭარაში, 4,8% – თბილისში, 4,8% – მცხეთა-მთიანეთში, ხოლო დანარჩენი 10,6% – სხვა რეგიონებშია განთავსებული.

ნეტგაზეთის მასალების სხვა გამოცემებში გადაბეჭდვის წესი
ავტორი
მიშა მეფარიშვილი არის ნეტგაზეთის რეპორტიორი 2010 წლიდან. აშუქებს კულტურის პოლიტიკის, ადამიანის უფლებების საკითხებს და სხვა მიმდინარე თემებს. Email: mishameparishvili@gmail.com