კვლევა 2012 წელს გამოქვეყნდა და მის ფარგლებში 57 ქვეყნის მონაცემემი დამუშავდა.
მსოფლიოს მასშტაბით მოსახლეობის ყველაზე დიდი ნაწილი, რომელიც თავს რელიგიურად მიიჩნევს, განაში ცხოვრობს. გალაპის მიხედვით, 96%–ს რელიგიურ ადამიანად მიაჩნია თავი, მხოლოდ 2% მიიჩნევს თავს არარელიგიურ ადამიანად. 0% განიხილავს თავს ათეისტად და 1%-მა არ იცის, ან არ სურს კითხვას უპასუხოს.
ყველაზე რელიგიური ქვეყნების ათეული ასე გამოიყურება:
განა–96%, ნიგერია–93%, სომხეთი–92%, ფიჯი–92%, მაკედონია–90%, რუმინეთი–89%, ერაყი–88%, კენია–88%, პერუ–86%, და ათეულს 85% ბრაზილია ასრულებს.
რაც შეეხება ამერიკის შეერთებულ შტატებს, რელიგიური მოსახლეობის რაოდენობის მიხედვით, 57 ქვეყანაში 34–ე ადგილზეა 60%–ით.
რაც შეეხება საქართველოს, მე–11 ადგილზეა, ქვეყნის მოსახლეობის 84% თავს რელიგიურ ადამიანად განიხილავს. 12 % თავს არ მიიჩნევს რელიგიურ ადამიანად, 1%–ს მიაჩნია თავი ათეისტად და 3 %–ს არ სურს, ან არ იცის შეკითხვაზე პასუხი. საქართველოს შემთხვევაში სულ 1000 ადამიანი გამოკითხეს.
პოსტსაბჭოთა ქვეყნებს შორის საქართველოს სომხეთის (92%) შემდეგ ყველაზე მაღალი მონაცემი აქვს, მას მოსდევს უზბეკეთი (79%), უკრაინა (71%), ლიტვა (69%) და აზერბაიჯანი (44%).
რაც შეეხება ქვეყნებს, რომელთა მოსახლეობის დიდი ნაწილი თავს ათეისტად განიხილავს, ამ მონაცემით პირველ ადგილზეა ჩინეთი 47%–ით, მას მოსდევს –31%–ით იაპონია, ჩეხეთი –30%, საფრანგეთი –29%, სამხრეთ კორეა –15%, გერმანია–15%, ჰოლანდია– 14%, ავსტრია–10%, ისლანდია–10%, ავსტრალია–10% და ირლანდია 10%.
საერთო ჯამში, გამოკითხული მოსახლეობის 13 % განიხილავს თავს ათეისტად, 59%- რელიგიურ ადამიანად და 23%- არარელიგიურ ადამიანად. კვლევის ფარგლებში. სულ 50 000 ადამიანი, მსოფლიოს 5 კონტინენტზე, 57 ქვეყანაში გამოკითხეს.
