ახალი ამბები

დაცარიებული ქალაქები კორონავირუსის პანდემიისას – ფოტორეპორტაჟი

19 მარტი, 2020 • 3356
დაცარიებული ქალაქები კორონავირუსის პანდემიისას – ფოტორეპორტაჟი

მსოფლიო კორონავირუსის პანდემიას ებრძვის — ბოლო მონაცემებით, ინფიცირების 220 ათასამდე შემთხვევა დასტურდება, გარდაცვალების შემთხვევები კი 9000-მდე აღწევს.

უკვე დაწყებულია ვაქცინასა და წამლებზე მუშაობა და ტესტირებები, თუმცა მანამ, სანამ ამ მიმართულებით შედეგები იქნება, ქვეყნების მთავრობების აბსოლუტური უმრავლესობა ითვალისწინებს ჯანდაცვის მსოფლიო ორგანიზაციის რეკომენდაციას და მოქალაქეებს „სოციალური დისტანცირებისკენ“ მოუწოდებს.

კორონავირუსის გავრცელების მასშტაბების შესამცირებლად მოქალაქეები უარს ამბობენ ქუჩაში გამოსვლაზე, — უკვე არაერთმა მთავრობამ გამოაცხადა საგანგებო რეჟიმი, საზღვრები ჩაიკეტა…

„ნეტგაზეთი“ გთავაზობთ ფოტორეპორტაჟს მსოფლიოს ქვეყნების ქალაქებიდან. ფოტოები „ევროპის პრესფოტო სააგენტოს“ (EPA-ს) ფოტოგრაფებმა გადაიღეს. საავტორო უფლებები დაცულია.

სერბეთი, ბელგრადი – 15 მარტიდან ქვეყანაში საგანგებო მდგომარეობაა და 20:00 საათიდან 05:00 საათამდე სახლიდან გამოსვლა იკრძალება.
18.03.2020. ფოტო: EPA-EFE/ANDREJ CUKIC

ცარიელი ქუჩა ლონდონში, კოვენტ-გარდენზე. „ჯოგური იმუნიტეტის“ პოლიტიკის მიტოვების შემდეგ, ბორის ჯონსონმა მოქალაქეებს არასაჭირო სოციალური კონტაქტისგან თავის არიდებისკენ მოუწოდა.
18.03.2020. ფოტო: EPA-EFE/NEIL HALL

ჩვეულებრივ დროს გადატვირთული ქუჩის ხედი პოლონეთში, ვარშავაში. ქვეყანაში 50 ადამიანზე ხალხმრავალი შეკრებები აიკრძალა. დაიხურა კაფეები, სავაჭრო ცენტრები, რესტორნები, კაზინოები და ა.შ.. უცხოელთათვის დროებით ქვეყანაში შესვლა აიკრძალა. ფოტო: EPA-EFE/Andrzej Lange POLAND OUT

მადრიდი, ესპანეთი – პოლიციელები საფუხბურთო მოედანთა პატრულირებენ. ეს ქვეყანა ერთ-ერთია მათ შორის, ვინც ყველაზე მეტად დაზარალდა კორონავირუსის პანდემიით.
ფოტო: EPA-EFE/JUANJO MARTIN Attention editors: Faces pixelated by source in accordance with Spanish law

ათენი, საბერძნეთი — კაფეები, რესტორნები, მუზეუმები და არქეოლოგიური ძეგლები დაკეტილია სულ მცირე, მარტის ბოლომდე. ფოტოზე ჩანს ყვითელი ტაქსები 18.03.2020 EPA-EFE/ANDREAS TSAKNARIDIS

ათენი, საბერძნეთი, მონასტირაკის მოედანი ცარიელი ქუჩებით.
18.03.2020. ფოტო:
EPA-EFE/ANDREAS TSAKNARIDIS

სტოკჰოლმის ეროვნული მუზეუმი, შვედეთი — მუზეუმი 20 მარტიდან დაიხურება.
18.03.2020. ფოტო: EPA-EFE/Ali Lorestani / TT SWEDEN OUT

ამანი, იორდანია — ცარიელი ქუჩის ხედი. 17 მარტს გამოიცა განკარგულება, რომელიც მთავრობას განსაკუთრებული ზომების მიღების უფლებას ანიჭებს. მგზავრობა შეზღუდულია, არასაჭიროდ მიჩნეული ბიზნეს-საქმიანობა შეჩერებული18.03.2020 ფოტო: EPA-EFE/ANDRE PAIN

ფეხით მოსიარულე ადამიანი პორტოში, პორტუგალიაში. რესტორნები დახურულია. ინფიცირებულთა რიცხვი 642-ს აღწევს, რომელთაგან მხოლოდ 89 არის საავადმყოფოში. 18.03.2020 EPA-EFE/JOSÉ COELHO

საფრანგეთის პარლამენტი. ქალაქებში გადაადგილება მხოლოდ სპეციალური ნებართვით არის შესაძლებელი. ქვეყანას საგანგებო მდგომარეობა აქვს გამოცხადებული. 18.03.2020. ფოტო: EPA-EFE/CHRISTOPHE PETIT TESSON

ტრიუმფალური თარი პარიზში, საფრანგეთში. 18.03.2020. ფოტო: EPA-EFE/CHRISTOPHE PETIT TESSON

დრონით გადაღებულ ამ ფოტო ჩანს ცარიელი საპარკინგე ადგილი მერილენდში, აშშ-ში. 18.03.2020. ფოტო: EPA-EFE/JIM LO SCALZO

დაცარიელებული აეროპორტი ლიბანში ბეირუთში. აეროპორტი 18 მარტს დახურეს. ქვეყანაში 4 ადამიანია კორონავირუსით გარდაცვლილი, დაინფიცირებული – 133. ფოტო: EPA-EFE/NABIL MOUNZER

რიო დე ჟანეირო, ბრაზილია, იპანემას დაცარიელებული პლაჟი. 18.03.2020. ფოტო: EPA-EFE/Antonio Lacerda BEST QUALITY AVAILABLE

ქრისტიანული ეკლესიის წარმომადგენლები ბოგოტაში, კოლუმბიაში. მომავალ კვირაში მღვდელმსახურებას ფეისბუკზე პირდაპირ ეთერში გაუშვებენ.
კარანტინი ოფიციალურად შემდეგ კვირას შედის ძალაში. 18.03.2020. ფოტო: EPA-EFE/Carlos Ortega

მეტროსადგური პანამაში. ბოლო დღეებში მთავრობამ გასართობი დაწესებულებების დახურვის განკარგულება გასცა. უცხოელთათვის შემოსვლა აიკრძალა. 18.03.2020. ფოტო: EPA-EFE/Carlos Lemos

რკინიგზის სადგური ანტვერპენში, ბელგიაში. ქვეყანაში საგანგებო მდგომარეობაა გამოცხადებული. 18.03.2020. ფოტო: REUTERS/Francois Lenoir

თელ ავივი, ისრაელი — მედიაში გავრცელებული ცნობების თანახმად, ისრაელის ხელისუფლება „კონტრტერორისტულ მექანიზმებს გამოიყენებს კორონავირუსის გავრცელებასთან საბრძოლველად“, — ინფიცირებული ადამიანების ადგილმდებარეობის დასადგენად. მოქალაქეებს მითითება მიეცათ, სახლებში დარჩნენ. ფოტო: EPA-EFE/ABIR SULTAN

თითქმის დაცარიელებული უოლ-სტრიტი, ნიუ-იორკი, საფონდო ბირჟასთან ახლოს. მსოფლიო ეკონომიკა ძლიერი რეცესიის წინაშეა.
ფოტო: EPA-EFE/JUSTIN LANE

სუპერმარკეტი პოდოლსკში, მოსკოვთან ახლოს — ხელისუფლება ხალხს სახლებში დარჩენისკენ მოუწოდებს. რუსეთში
147 შემთხვევაა ოფიციალურად დადასტურებული. არაერთი ტურისტული ადგილი დაიხურა
ფოტო: EPA-EFE/MAXIM SHIPENKOV

მშიდობის ხიდი – ტურისტებით ერთ-ერთი ყველაზე დატვირთული ადგილი თბილისში. აქ ჯერ საგანგებო მდგომარეობა არ გამოცხადებულა, თუმცა საზღვრები ჩაიკეტა, მოქალაქეებს სახლში დარჩენისკენ მოუწოდებენ. ფოტო: EPA-EFE/ZURAB KURTSIKIDZE

მასალების გადაბეჭდვის წესი