თურქეთში მიწისძვრის შედეგად საქართველოს კიდევ ერთი მოქალაქე დაიღუპა. ინფორმაციას ადასტურებს საგარეო საქმეთა სამინისტრო.
უწყება ამბობს, რომ მოქალაქე ქალაქ ანთაქიაში დაიღუპა. გარდაცვალების შესახებ კი საელჩოს თვითმხილველმა აცნობა.
„საქართველოს დიპლომატიური წარმომადგენლობები 24- საათიან რეჟიმში მუშაობენ თურქეთში მყოფი საქართველოს მოქალაქეების თაობაზე ინფორმაციის მიღების და მათი დახმარების მიზნით. საელჩო ხაზზეა გარდაცვლილის ოჯახთან, ასევე, თურქეთის შესაბამის უწყებებთან“, – ამბობს სამინისტრო.
მანამდე ოფიციალურად დადასტურდა, რომ იმავე ქალაქში საქართველოს ერთი მოქალაქე დაიღუპა.
წუხელ, გვიან ღამით, თურქეთის სამხრეთ-აღმოსავლეთსა და სირიაში 7.8 მაგნიტუდის სიმძლავრის მიწისძვრა მოხდა. აშშ-ის გეოლოგიური სამსახურის ცნობით, მიწისძვრის ეპიცენტრი თურქეთის ქალაქ გაზიანთეფიდან 33 კმ-ის მოშორებით იყო. მიწისძვრა მსოფლიოს მასშტაბით მილიონობით ადამიანმა იგრძნო, მათ შორის, ისრაელსა და ლიბანში.
პირველი მიწისძვრის შემდეგ, უკვე დღეს, შუადღისას თურქეთის იმავე რეგიონში კვლავ მოხდა მიწისძვრა – 7.8 მაგნიტუდის სიმძლავრის.BBC-სა და AFP-ს ინფორმაციით, როგორც თურქეთის, ასევე სირიის მხარეს, მიწისძვრას ემსხვერპლა სულ მიცრე 2300 ადამინი, ათასობით კი დაშავდა. ამ დრომდე, მიმდინარეობს სამაშველო ოპერაციები, რომელშიც სხვადასხვა ქვეყნის წარმომადგენლები ჩაერთნენ.
წაიკითხეთ ასევე:
