ჩრდილოეთ ოსეთში რუსეთიდან საქართველოსკენ მომავალი ავტომობილები მრავალ-კილომეტრიან საცობებს ქმნიან.
ინფორმაციას ოსი ჟურნალისტი, ალიკ ფუჰათი ავრცელებს. მისი განცხადებით, საცობი ქალაქ ვლადიკავკაზიდან იწყება.
A traffic jam on the border between Russia and Georgia has reached Vladikavkaz. Several dozen kilometers of people fleeing from Russia. pic.twitter.com/R5hmnCwals
— Alik Puhati (@rajdianos) September 23, 2022
ვლადიკავკაზიდან ზემო ლარსის გამშვებ პუნქტამდე დაახლოებით 32 კილომეტრია.
რუსეთის მოქალაქეების მეზობელ სახელმწიფოებში მასობრივი გადინების მეორე ტალღა მას შემდეგ დაიწყო, რაც კრემლმა ნაწილობრივი სამხედრო მობილიზაცია გამოაცხადა, რომლის თანახმადაც, პირები, რომელთაც რუსულ არმიაში უმსახურიათ, უკრაინაში ბრძოლის ველზე აღმოჩნდებიან.
სამხედრო მობილიზაციის გამოცხადების გადაწყვეტილება კრემლში მას შემდეგ მიიღეს, რაც რუსულმა არმიამ ხარკოვის ოლქში დათმო ოკუპირებული ტერიტორიების დიდი ნაწილი.