“ერთ დონეზე არ დავაყენებდი” – პრეზიდენტი სარალიძისა და მაჩალიკაშვილის საქმეებზე

პრეზიდენტი სალომე ზურაბიშვილი აცხადებს, რომ ზაზა სარალიძისა და მალხაზ მაჩალიკაშვილის საქმეებს “ერთ დონეზე არ დააყენებდა”. ამის შესახებ მან ტვ პირველის ეთერში განაცხადა.

“ორი სხვადასხვა საკითხია”, – თქვა მან.

კითხვაზე, რის მიხედვით ყოფს ის ამ ორ საქმეს, ზურაბიშვილმა თქვა, რომ არ სურს პასუხი.

“ვიცი, რის მიხედვით და ეს სხვა საკითხია”, – განაცხადა პრეზიდენტმა.

“სარალიძის, როგორც მამის, გვერდით სრულიად ვარ და ამიტომ ვიყავი ხორავას კომისიაში, მაგრამ როგორც კი საპრეზიდენტო კანდიდატი გავხდი, მე ვთქვი, რომ აქედან უნდა გამოვიდე. ამ ყველაფერმა პოლიტიკური სახე მიიღო”, – განაცხადა მან.

ინგა გრიგოლიას კითხვას, ძველი გახმაურებული საქმეებიც პოლიტიკური იყო, თუმცა ის ოპოზიციოერნის რანგში აქტიურობდა, მან ასე უპასუხა.

“ძველი დროის ამბებში ვიყავი ოპოზიციოერი პოლიტიკოსი. ახლა ვარ სახელმწიფო მოღვაწე”, – აღნიშნა პრეზიდენტმა.

 

ნეტგაზეთის მასალების სხვა გამოცემებში გადაბეჭდვის წესი
ავტორი
დათო ქოქოშვილი არის ნეტგაზეთის რედაქტორი 2018 წლის 1 თებერვლიდან. მანამდე ის იყო ნეტგაზეთის რეპორტიორი 2013 წლიდან. Email: davit.qoqoshvili@gmail.com