საბერძნეთმა სამედიცინო კანაფის კულტივაცია დაიწყო

საბერძნეთის მთავრობამ სამედიცინო კანაფის კულტივაციისა და დამუშავების შესახებ პირველი ორი ლიცენზია გასცა.

ხუთწლიანი ლიცენზია მიიღო ორმა კომპანიამ: Biomecann-მა და Bioprocann-მა, რომლებიც 22 მილიონი ევროს ინვესტირებას და 100 ადამიანის დასაქმებას გეგმავენ.

საინფორმაციო პორტალ greekreporter-ის ინფორმაციით, მთავრობა წლის ბოლომდე კიდევ 12 ლიცენზიის გაცემას გეგმავს.

“ძალიან დიდი ინტერესია, განსაკუთრებით, კანადისა და ისრაელის მხრიდან. ზოგიერთი მათგანი უდიდესი პოტენციური ინვესტორია”, – განაცხადა საბერძნეთის ეკონომიკის მინისტრის მოადგილემ, სტერხიოს პიტსიორლასმა.

მისი თქმით, პირველი სამედიცინო კანაფის პროდუქცია ბაზარზე 12-დან 18 თვეში გამოჩნდება. ინდუსტრია ძირითადად ექსპორტზე იქნება ორიენტირებული.

საბერძნეთმა კანაფის სამედიცინო მიზნებისთვის გამოყენების ლეგალიზაცია გასული წელს მოახდინა.

ნეტგაზეთის მასალების სხვა გამოცემებში გადაბეჭდვის წესი
ავტორი
ნინო ჩიჩუა არის "ნეტგაზეთის" რეპორტიორი 2018 წლის სექტემბრიდან.