საქართველოს კალათბურთის ნაკრები საბერძნეთთან მატჩის ბოლო წამზე დამარცხდა

დღეს, 16 სექტემბერს, 2019 წლის მსოფლიო ჩემპიონატის მეორე საკვალიფიკაციო ეტაპის მეორე მატჩში საქართველოს კალათბურთელთა ეროვნული ნაკრები საბერძნეთთან დაძაბულ ბრძოლაში დამარცხდა, ანგარიშით 85:86.

საქართველოს ნაკრები 1 ქულით უსწრებდა მეტოქეს, თუმცა გადამწყვეტ მომენტში ბერძნებმა ბურთის ჩაჭრა და შეხვედრის დასრულებამდე 0.1 წამით ადრე გამარჯვების მომტანი 2-ქულიანის ჩაგდება შეძლეს.

საქართველო VS საბერძნეთი – ბერძენთა გადამწყვეტი 2-ქულიანი მატჩის ბოლო წამზე

2019 წლის მსოფლიო ჩემპიონატის მეორე საკვალიფიკაციო ეტაპის პირვე მატჩში, საქართველოს ნაკრებმა თელ-ავივში ისრაელი დაამარცხა. შედეგად, ილიას ზუროსის ნაკრებს ერთი მოგება და ერთი წაგება აქვს ამ დროისთვის.

საქართველოს ნაკრებმა ჩინეთში გასამართ 2019 წლის მსოფლიოს ჩემპიონატზე გასასვლელად ექვსიდან მინიმუმ ხუთი მატჩი უნდა მოიგოს. საქართველოს ნაკრების მეტოქეები ჯგუფში არიან ისრაელი, საბერძნეთი, გერმანია და სერბეთი.

ნეტგაზეთის მასალების სხვა გამოცემებში გადაბეჭდვის წესი


ავტორი
გიორგი დიასამიძე არის ნეტგაზეთის რეპორტიორი 2014 წლიდან. აშუქებს საზოგადოებრივ-პოლიტიკურ თემებს, სპორტს და სხვა მიმდინარე მოვლენებს. ასევე, მუშაობს განათლების, ადამიანის უფლებებისა და სოციალურ საკითხებზე.