“სუპერმენის” ჰენრი კავილი ნეტფლიქსის “მხედვარში” მთავარ როლს შეასრულებს

ნეტფლიქსი ფენტეზის პოლონელი ავტორის, ანჯეი საპკოვსკის “მხედვარის” ახალ ეკრანიზაციას იღებს.

“მხედვარის” მთავარ როლს — ურჩხულებთან მებრძოლ გერალტ რივიელს — სუპერმენის ვარსკვლავი ჰენრი კავილი შეასრულებს.

“მხედვარი” ფენტეზის ჟანრის რომანების სერიაა — საკულტო წიგნი, რომლის მიხედვითაც პოპულარული ვიდეოთამაშებიცაა შექმნილი.

ჰენრი კავილი სუპერმენის როლს ასრულებდა. რეჟისორ ზაკ სნაიდერის “ფოლადის კაცში” (2013) და მის სიქველებში,“ბეტმენი სუპერმენის წინააღმდეგ” (2016) და “სამართლიანობის ლიგაში”.

ეპიკური სერიალის 8-სერიიანი I სეზონი უკვე დამტკიცებულია. ჯერჯერობით უცნობია გამოსვლის თარიღი.

წყარო: Variety

ნეტგაზეთის მასალების სხვა გამოცემებში გადაბეჭდვის წესი


ავტორი
ლუკა პერტაია მუშაობდა ნეტგაზეთის რეპორტიორად 2016 წლის მაისიდან 2017 წლის 31 იანვრამდე. 2017-18 წლებში მუშაობდა OC Media ში რეპორტიორად. 2018 წლის 1 სექტემბრიდან ის კვლავ ნეტგაზეთის რეპორტიორია.