ღარიბაშვილის მთავრობაში ივანიშვილის მინისტრები რჩებიან [ფოტო]

პრემიერ–მინისტრობის კანდიდატმა ირაკლი ღარიბაშვილმა მთავრობის ახალი შემადგენლობა წარადგინა, რომელიც ძველი მინისტრებითაა დაკომპლექტებული, “უკლებლივ ყველა მინისტრი გააგრძელებს მუშაობას”, – განაცხადა ირაკლი ღარიბაშვილმა.

თავდაცვის მინისტრი ისევ ირაკლი ალასანია იქნება, იუსტიციის მინისტრი – თეა წულუკიანი, განათლებისა და მეცნიერების მინსიტრი – თამარ სანიკიძე, ჯანდაცვის მინისტრი – დავით სერგეენკო, სასჯელაღსრულების მინისტრი – სოზარ სუბარი, რეგიონული განვითარების მინისტრი – დავით ნარმანია, ფინანსთა მინისტრი – ნოდარ ხადური, საგარეო საქმეთა მინისტრი – მაია ფანჯიკიძე, კულტურის მინისტრი – გურამ ოდიშარია, ეკონომიკის მინისტრი – გიორგი კვირიკაშვილი, ენერგეტიკის მინისტრი – კახა კალაძე, გარემოს დაცვის მინისტრი – ხათუნა გოგალაძე, ოკუპირებული ტერიტორიებიდან იძულებით გადაადგილებულ პირთა განსახლებისა და ლტოლვილთა მინისტრი – დავით დარახველიძე, სპორტის და ახალგაზრდობის საქმეთა მინისტრი – ლევან ყიფიანი, სახელმწიფო მინისტრი ევროპულ და ევროატლანტიკურ სტრუქტურებში ინტეგრაციის საკითხებში – ალექსი პეტრიაშვილი, რეინტეგრაციის საკითხებში სახელმწიფო მინისტრი – პაატა ზაქარეიშვილი, დიასპორის საკითხებში სახელმწიფო მინისტრი – კონსტანტინე სურგულაძე, სოფლის მეურნეობის მინისტრი – შალვა ფიფია, შინაგან საქმეთა მინსიტრი – ალექსანდრე ჭიკაიძე.

პარლამენტი ახალ პრემიერსა და მთავრობას 20 ნოემბერს, პარლამენტის პლენარულ სხდომაზე დაამტკიცებს.

მთავრობის შემადგენლობის წარდგენა
მთავრობის შემადგენლობის წარდგენა




 
ნეტგაზეთის მასალების სხვა გამოცემებში გადაბეჭდვის წესი


ანი ბერუკაშვილი