დღეს, 10 ოქტომბერს, საქართველოს იუსტიციის უმაღლესი საბჭო გაესაუბრება 14 მოსამართლეს, რომლებმაც უვადოდ დანიშვნის შესახებ განაცხადი გააკეთეს. გასაუბრებები 9, 10 და 11 ოქტომბერს გაიმართება და საბჭო, ჯამში, 40-მდე მოსამართლის უვადო დანიშვნაზე იმსჯელებს.
გასაუბრების პროცესი ჟურნალისტებისთვის დახურულია. სხდომის დაწყებამდე კომენტარი საბჭოს მხოლოდ ერთმა წევრმა, ნაზი ჯანეზაშვილმა გააკეთა. მან აღნიშნა, რომ საბჭო დიდი პასუხისმგებლობით უნდა მიუდგეს იმ საკითხის გადაწყვეტას, თუ რამდენად არის შესაფერისი ესა თუ ის კანდიდატი მოსამართლედ უვადოდ გასამწესებლად.
“იმედი მაქვს, საბჭოს ყველა წევრი ინდივიდუალურად მიიღებს გადაწყვეტილებას და ეს არ იქნება წინასწარი შეთანხმება, ვინაიდან ეს არის, მე ვფიქრობ, ერთ-ერთი ყველაზე საპასუხისმგებლო პროცესი იუსტიციის საბჭოს საქმიანობაში, ვინაიდან სწორედ ახლა ხდება მოსამართლეების უვადოდ გამწესება,”- განაცხადა ნაზი ჯანეზაშვილმა.
დღეს საბჭო იმსჯელებს იმ მოსამართლეების უვადოდ გამწესებაზეც, ვისი სახელიც დაკავშირებულია გახმაურებულ საქმეებთან, სასამართლო სისტემაში მაღალ თანამდებობას იკავებს, ან არის თვითონ საბჭოს წევრი.
დიმიტრი გვრიტიშვილი 2008-2012 წლებში თბილისის საქალაქო სასამართლოს მოსამართლე იყო. ქუთაისის სააპელაციო სასამართლოს მოსამართლედ 2012 წლიდან მუშაობს, ხოლო 2015 წლიდან ამავე სასამართლოს თავმჯდომარის უფლებამოსილებას ახორციელებდა. ამავე სასამართლოს თავმჯდომარედ გვრიტიშვილი იუსტიციის საბჭომ 2017 წლის 5 ივნისს დანიშნა. 24 ივნისს კი გვრიტიშვილი იუსტიციის უმაღლესი საბჭოს წევრი გახდა. 2012 წლის მაისში თბილისის საქალაქო სასამართლოში მოსამართლე დიმიტრი გვრიტიშვილი იყო მოსამართლე საქმეზე, სადაც დაადგინა, რომ ნათია მოგელაძის უწყებამ 5 მილიონამდე ლარით კანონიერად დააჯარიმა ივანიშვილის ერთ-ერთი კომპანია. ივანიშვილის მაშინდელი ადვოკატები, ეკა ბესელია და სანდრო ბარამიძე გვრიტიშვილის აცილებას ითხოვდნენ. ბესელიამ იგი ფორმალური სასამართლოს მოწყობაში დაადანაშაულა და მიკერძოებული უწოდა.
მოსამართლე დიმიტრი გვრიტიშვილის სახელს სხვა გახმაურებული საქმეებიც უკავშირდება. ასეთია დიღმის ტყე–პარკისთვის რეკრეაციული ზონის სტატუსის მოხსნის საქმე, დაჩი ცაგურიასთვის ადმინისტრაციული პატიმრობის მისჯა და ა.შ.
2000 წლიდან მუშაობდა შინაგან საქმეთა სამინისტროს საგამოძიებო დეპარტამენტის განსაკუთრებით მნიშვნელოვან საქმეთა გამომძიებლად, ხოლო შემდეგ – უფროს გამომძიებლად; 2005-2006 წლებში მუშაობდა ფინანსთა სამინისტროს ფინანსური პოლიციის საგამოძიებო დეპარტამენტის გამომძიებლად;
2006-2012 წლებში სხვადასხვა რაიონულ სასამართლოში მუშაობდა, 2012 წლის ნოემბრიდან არის თბილისის სააპელაციო სასამართლოს მოსამართლე და ამავე სასამართლოს საგამოძიებო კოლეგიის თავმჯდომარე;
2013 წლის 9 ივნისს საქართველოს მოსამართლეთა კონფერენციის სხდომაზე 4 წლის ვადით იყო არჩეული იუსტიციის უმაღლესი საბჭოს წევრად.
მალხაზ ენუქიძე 1991-1993 წლებში მუშაობდა გორის სარაიონთაშორისო პროკურატურის უფროს გამომძიებლად; 1993-1998 წლებში იყო გორის რეგიონული სამხედრო სასამართლოს მოსამართლე; 1998-2000 წლებში მუშაობდა გორის ადვოკატურის ადვოკატად; 2000-2007 წლებში იყო კასპის რაიონული სასამართლოს მოსამართლე; 2007-2011 წლებში მოსამართლის უფლებამოსილებას ახორციელებდა გორის რაიონულ სასამართლოში; 2011-2012 წლებში იყო წალკის რაიონული სასამართლოს მოსამართლე; 2014-2015 წლებში იყო საქართველოს ადვოკატთა ასოციაციის წევრი;
2015 წლის აგვისტოდან კი არის ახალქალაქის რაიონული სასამართლოს მოსამართლე.
[highlight color=”green”]შორენა წიქარიძე
ირაკლი აბშილავა 2006-2007 წლებში მუშაობდა იუსტიციის სამინისტროს ეკონომიკური დეპარტამენტის სახელმწიფო შესყიდვების სამმართველოში, მრჩევლის თანამდებობაზე; 2007-2012 წლებში იყო ჩხოროწყუს რაიონული სასამართლოს მოსამართლე; 2012 წლიდან კი არის ზუგდიდის რაიონული სასამართლოს მაგისტრანტი მოსამართლე ჩხოროწყუს მუნიციპალიტეტში; 2013 წლის ივნისიდან სამოსამართლო უფლებამოსილებას ახორციელებს გალი-გულრიფშისა და ოჩამჩირე-ტყვარჩელის რაიონულ სასამართლოში.
იუსტიციის უმაღლესი საბჭოს 2016 წლის 14 ივლისის გადაწყვეტილებით სამი წლის გამოსაცდელი ვადით 25 ივლისიდან გამწესდა ზუგდიდის რაიონული სასამართლოს მოსამართლედ.
იუსტიციის უმაღლესი საბჭოს 2016 წლის 14 ივლისის გადაწყვეტილებით სამი წლის გამოსაცდელი ვადით 25 ივლისიდან გამწესდა თბილისის საქალაქო სასამართლოს სისხლის სამართლის საქმეთა კოლეგიის მოსამართლედ.
იუსტიციის უმაღლესი საბჭოს 2016 წლის 14 ივლისის გადაწყვეტილებით, დაინიშნა თბილისის საქალაქო სასამართლოს საგამოძიებო და წინასასამართლო სხდომის კოლეგიის მოსამართლედ.
2016 წლის ივლისში გოგიაშვილი თბილისის სააპელაციო სასამართლოს ადმინისტრაციულ საქმეთა პალატის მოსამართლედ დაინიშნა.
2010-2012 წლებში იყო სამტრედიის რაიონული სასამართლოს მოსამართლე. 2012-2016 წლებში – ქუთაისის საქალაქო სასამართლოს მაგისტრანტი მოსამართლე წყალტუბოს მუნიციპალიტეტში.
იუსტიციის უმაღლესი საბჭოს 2016 წლის 14 ივლისის გადაწყვეტილებით სამი წლის გამოსაცდელი ვადით გამწესდა ქუთაისის სააპელაციო სასამართლოს სისხლის სამართლის საქმეთა პალატის მოსამართლედ.
იუსტიციის უმაღლესი საბჭოს 2016 წლის 14 ივლისის გადაწყვეტილებით სამწლიანი გამოსაცდელი ვადით გამწესდა თბილისის სააპელაციო სასამართლოს ადმინისტრაციულ საქმეთა პალატის მოსამართლედ.
2006-2016 წლებში იყო თბილისის სააპელაციო სასამართლოს მოსამართლე. იუსტიციის უმაღლესი საბჭოს 2016 წლის 14 ივლისის გადაწყვეტილებით სამი წლის გამოსაცდელი ვადით გამწესდა თბილისის სააპელაციო სასამართლოს სისხლის სამართლის საქმეთა პალატის მოსამართლედ.
2006-2012 წლებში იყო თბილისის საქალაქო სასამართლოს მოსამართლე; 2012-2016 წლებში კი თბილისის სააპელაციო სასამართლოს მოსამართლე.იუსტიციის უმაღლესი საბჭოს 2016 წლის 14 ივლისის გადაწყვეტილებით სამი წლის გამოსაცდელი ვადით გამწესდა თბილისის სააპელაციო სასამართლოს სისხლის სამართლის საქმეთა პალატის მოსამართლედ.