“მომიკითხეთ” – კალაძის პასუხი NGO-ებს ვარსკვლავების მატჩში მონაწილოებაზე [ვიდეო]

“მომიკითხეთ” – ასე უპასუხა ნეტგაზეთის კითხვას კახა კალაძემ იმის შესახებ, თუ რას უპასუხებდა არასამთავრობო ორგანიზაციებს, რომლებიც აცხადებენ, რომ ვარსკვლავების მატჩში მონაწილეობით თბილისის მერობის სახელისუფლებო კანდიდატმა შესაძლოა საარჩევნო კანონმდებლობა დაარღვიოს.

“სამართლიანი არჩევნებისა და დემოკრატიის საერთაშორისო საზოგადოების” (ISFED) შეფასებით, “ქართული ოცნების” თბილისის მერობის კანდიდატის საქველმოქმედო საფეხბურთო მატჩში მონაწილეობა მრავალ რისკს შეიცავდა და მოუწოდებდა კახა კალაძეს, თავი შეეკავებინა დღევანდელ ღონისძიებებში მონაწილეობისგან.

კახა კალაძის განცხადებით, ფეხბურთის ფედერაციამ მას სთხოვა საქველმოქმედო მატჩისთვის მეგობარ ვარსკვლავებთან დაკავშირება. ISFED-ის განცხადებამდე, საქართველოს ახალგაზრდა იურისტთა ასოციაციაშიც განგვიმარტეს, რომ ქართული ოცნების თბილისის მერობის კანდიდატი ამ ღონისძიებაში მონაწილეობით საარჩევნო კანონს დაარღვევდა.

საქართველოს ფეხბურთის ფედერაციის ინფორმაციით, ბილეთების რეალიზაციით, ვარსკვლავების თამაშზე 301 ათასი ლარი, ხოლო საქართველო-ირლანდიის მატჩზე 102 ათასი ლარი შეგროვდა. ფედერაციის ცნობით, ორივე თამაშიდან შემოსული 403 ათასი ლარი სრულად მოხმარდება ბორჯომის ხეობის აღდგენით სამუშაოებს. ვარსკვლავების მატჩის ფოტორეპორტაჟი იხილეთ ამ ბმულზე.

ნეტგაზეთის მასალების სხვა გამოცემებში გადაბეჭდვის წესი
ავტორი
გიორგი დიასამიძე არის ნეტგაზეთის რეპორტიორი 2014 წლიდან. აშუქებს საზოგადოებრივ-პოლიტიკურ თემებს, სპორტს და სხვა მიმდინარე მოვლენებს. ასევე, მუშაობს განათლების, ადამიანის უფლებებისა და სოციალურ საკითხებზე.