აშშ-ის ვიცეპრეზიდენტი, მაიკ პენსი ივლისში საქართველოს ეწვევა – ამის შესახებ ინფორმაციას გიორგი კვირიკაშვილი საკუთარი ფეისბუკის გვერდიდან ავრცელებს:
“შეერთებული შტატების ვიცეპრეზიდენტი ივლისში საქართველოს ეწვევა! ორი თვის წინ, საქართველოს დელეგაციის ვიზიტის დროს აშშ-ში, მაიკ პენსთან ჩემი შეხვედრისას ვთხოვე მას, ვიზიტით წვეოდა ჩვენს ქვეყანას. ეს არის ძალიან მნიშვნელოვანი ნაბიჯი აშშ-ის მხრიდან საქართველოს მკაფიო მხარდაჭერის კუთხით,”- აცხადებს კვირიკაშვილი.
