სილქნეტი რამდენიმე წუთით მთელ საქართველოში გაითიშა

სილქნეტის ინტერნეტი მთელ საქართველოში რამდენიმე წუთით გათიშული იყო. ამის შესახებ ინფორმაცია კომპანიაში დაგვიდასტურეს.

როგორც სილქნეტის გარე კომუნიკაციების მენეჯერმა განგვიცხადა, მიზეზი ჯერჯერობით კომპანიაშიც არ იციან. მისი თქმით, მოგვიანებით გვაცნობებენ, თუ რამ გამოიწვია დროებითი შეფერხება ქსელში.

ამ ეტაპზე (18:15) სიქლქნეტის ყველა აბონენტს მიეწოდება ინტერნეტი.

UPDATE: სილქნეტმა გვაცნობა, რომ თურქეთის მხარეს იყო შეფერხება, რამაც გამოიწვია ხარვეზი: “ღამის 12 საათამდე ვერ აღადგინა კონტრაქტორმა მომსახურება, მაგას ვერ დაველოდებოდით და სარეზერვო არხებზე გადაირთო ქსელი – 20 წუთამდე გასტანა პროცესმა.”

ნეტგაზეთის მასალების სხვა გამოცემებში გადაბეჭდვის წესი
ავტორი
გიორგი დიასამიძე არის ნეტგაზეთის რეპორტიორი 2014 წლიდან. აშუქებს საზოგადოებრივ-პოლიტიკურ საკითხებს და სხვა მიმდინარე მოვლენებს.