“მე ვარ 19 წლის ქალი, დედა, რომელიც გარდავიცვალე პოლიციელის იარაღიდან გასროლილი 5 ტყვიით. არ დამიცვა შსს-მ, პროკურატურამ, გენ. ინსექციამ და ჩემი დაუცველობისთვის სახელმწიფოს მოეთხოვა პასუხი სტრასბურგში. მე დამიცვა GYLA-მ [საია], EHRAC-მა და Sapari-მ – არასამთავრობო ორგანიზაციებმა. საია დღემდე მიცავს. ის დაგიცავს შენც. არა რუსულ კანონს”.

2014 წელს 19 წლის სალომე ჯორბენაძე ყოფილმა ქმარმა, ზესტაფონის რაიონული სასამართლოს პოლიციელმა, სერგი საცერაძემ მოკლა. სიკვდილამდე სალომე ჯორბენაძემ მიმართა როგორც პოლიციას, ასევე პროკურატურასა და გენინსპექციას და ყოფილი ქმრისგან სისტემატური ძალადობისგან დაცვა მოითხოვა, თუმცა, უშედეგოდ.

ადამიანის უფლებათა ევროპულმა სასამართლომ საქმეზე სიცოცხლის უფლების (ევროპული კონვენციის მე-2 მუხლი) და დისკრიმინაციისგან დაცვის (ევროპული კონვენციის მე-14 მუხლი) უფლების დარღვევა დაადგინა.

სასამართლომ თავის გადაწყვეტილებაში დასძინა, რომ ქვეყანამ ვერ უზრუნველყო გენდერული მოტივით ჩადენილი დანაშაულის პრევენცია. ამასთანავე, ვერ შეძლო, სალომე ჯორბენაძის არაერთი განცხადების მიუხედავად, საქმეზე სამართალდამცავი უწყების რეაგირების გამოძიება.

---

“ქართულმა ოცნებამ” დაარღვია ერთი წლის წინ დადებული პირობა და რუსული კანონი ხელმეორედ დააინიციირა. 17 აპრილს საპარლამენტო უმრავლეოსბამ კანონი პირველი მოსმენით მიიღო. დაანონსების დღიდან პარლამენტთან საპროტესტო აქციები იმართება.

ამავე თემაზე:

• „კრემლისგან შთაგონებული კანონმდებლობა“ — ვაშინგტონმა რიტორიკა დაამძიმა
• ევროპარლამენტარი: ამ კანონს ქვეყანა რუსეთში მიჰყავს და არა ევროკავშირში
• რატომ არის „ოცნების“ კანონი რუსული? — „გილდიის“ განმარტება მუხლების მიხედვით