ევროპარლამენტარი რასა იუკნევიჩიანე გამოეხმაურა რუსულ კანონის წინააღმდეგ გამართულ აქციებს და განაცხადა, რომ საქართველოს სჭირდება “დებიძინიზაციის კანონები და არა რუსული უცხოური აგენტების შესახებ კანონი”.
“საქართველოს სჭირდება დებიძინიზაციის კანონები და არა რუსეთის უცხოური აგენტების შესახებ კანონი, თუ ქვეყანას ევროკავშირში გაწევრიანება სურს. ეს ხელს შეუწყობს ქვეყნის გაწმენდას კრემლის აგენტებისგან.
მე სრულად ვუჭერ მხარს ქართველებს, რომლებიც აპროტესტებენ უცხოური აგენტების შესახებ კანონს, რადგან ამ კანონს ქვეყანა რუსეთში მიჰყავს და არა ევროკავშირში” ,- წერს ევროპარლამენტარი X-ზე.
Georgia needs Debidzinization laws, not a Russian foreign agents law if the country wants to join the EU. This would help clear the country of Kremlin agents.
I fully support the Georgians protesting against the foreign agents law, because that law leads to Russia, not the EU. https://t.co/SE34uwSdAZ
— Rasa Juknevičienė (@RJukneviciene) April 18, 2024
17 აპრილს საქართველოს პარლამენტის 83-მა დეპუტატმა, მიუხედავად მრავალათასიანი საპროტესტო აქციებისა, პირველი მოსმენით მხარი დაუჭირა გამჭვირვალობის საფარქვეშ შემუშავებულ რუსულ კანონს. მსგავსი კანონის მიღებამ რუსეთში 2012 წლიდან დღემდე ეტაპობრივად გააქრო დამოუკიდებელი მედიაორგანიზაციები და სამოქალაქო ორგანიზაციები.
რამდენიმე დღეა, რუსული კანონის წინააღმდეგ თბილისში მრავალათასიანი აქციები იმართება. მოქალაქეები აღნიშნულს აპროტესტებენ საქართველოს სხვა ქალაქებშიც.
- „ქართულმა ოცნებამ“ რუსული კანონი პირველი მოსმენით მიიღო
- 83 დეპუტატი, ვინც „რუსულ კანონს“ მხარი დაუჭირა | სია
