მოლდოვის პრეზიდენტი მაია სანდუ საქართველოს ხელისუფლებას მოუწოდებს, მიხეილ სააკაშვილს საზღვარგარეთ მკურნალობის ნება დართონ.
სააკაშვილის საკითხს მაია სანდუ Twitter-ზე კიდევ ერთხელ ეხმაურება.
„მაწუხებს სააკაშვილის სიცოცხლისათვის საშიში გართულებები, რომლებიც მისი პატიმრობიდან გამომდინარეობს. მოლდოვა უერთდება
პრეზიდენტ ზელენსკის მოწოდებას საქართველოს მთავრობისადმი, რომ ყოფილ პრეზიდენტს ჯანდაცვის მიზნით საზღვარგარეთ სამკურნალოდ წასვლის უფლება მისცენ“, — წერს მაია სანდუ.
Worried about @MSaakashvili‘s life-threatening complications stemming from his detention conditions.
Moldova joins @ZelenskyyUa call to the Georgian government to allow former president to go abroad for treatment to safeguard his health.
— Maia Sandu (@sandumaiamd) December 21, 2022
მანამდე, 4 დეკემბერს მაია სანდუმ დაწერა, რომ ღრმად შეშფოთებულია საქართველოს ყოფილი პრეზიდენტის მიხეილ სააკაშვილის ჯანმრთელობის სწრაფი გაუარესებით და სიტუაციის სიმძიმე მოითხოვს სააკაშვილის სასწრაფო გადაყვანას შესაბამის საავადმყოფოში მისი სიცოცხლის გადასარჩენად.
უკრაინის პრეზიდენტმა ვოლოდიმირ ზელენსკიმ კი საქართველოს მთავრობას მიმართა და მოუწოდა, მიხეილ სააკაშვილი საზღვარგარეთ სამკურნალოდ გადაიყვანონ.
ჰააგამ გამამართლა და ქართულმა სასამართლომ შეიძლება სიკვდილი მომისაჯოს – სააკაშვილი