ამერიკული New York Times-ის ცნობით, უკრაინულ მხარეს კონტრშეტევის დაგეგმვაში ამერიკული დაზვერვის მიერ მოპოვებული ინფორმაცია დაეხმარა.
ინფორმაციას გამოცემა ამერიკელ მაღალჩინოსნებზე დაყრდნობით ავრცელებს.
გამოცემის მიხედვით, ომის განმავლობაში ამერიკული მხარე უკრაინას აწვდიდა და აწვდის ინფორმაციას სამეთაურო ცენტრების, ტყვია-წამლის საწყობებისა და სხვა მნიშვნელოვანი ობიექტების შესახებ.
„ამგვარმა სადაზვერვო ინფორმაციამ უკრაინელებს მისცა საშუალება შეეტიათ რუსული ძალებისთვის, მოეკლათ გენერლები და აეფეთქებინათ საწყობები“, – ნათქვამია გამოქვეყნებულ მასალაში.
უკრაინამ ხარკოვის ოლქში 3 000 კვადრატულ კილომეტრზე მეტი ტერიტორია დაიბრუნა.
ეს იმაზე მეტია, ვიდრე რუსეთის მიერ დაკავებული ტერიტორიების ჯამი აპრილის თვის შემდეგ.