ამერიკის შეერთებული შტატები უკრაინასა და მის სხვა მოკავშირეებს 2.7 მილიარდი დოლარის ღირებულების სამხედრო დახმარებას გამოუყოფს.
დახმარებიდან 675 მილიონი ამერიკული დოლარი უკრაინისთვისაა გათვალისწინებული. ამის შესახებ აშშ-ის თავდაცვის მდივანმა ლოიდ ოსტინმა გერმანიაში, რამშტაინის სამხედრო ბაზაზე გამართული შეხვედრისას დღეს, 8 სექტემბერს განაცხადა.
ამერიკამ უკრაინისთვის უკვე გამოყო 13 მილიარდი დოლარის ღირებულების დახმარება.
რამშტაინის ბაზაზე იმყოფება საქართველოს თავდაცვის მინისტრი ჯუანშერ ბურჭულაძეც.
