აშშ-ის სენატის საგარეო ურთიერთობათა კომიტეტის წევრი, ჯიმ რიში 2008 წლის ომზე საუბრისას აცხადებს, რომ მსოფლიოს სუსტმა პასუხმა ვლადიმერ პუტინს დაუსჯელობის განცდა გაუჩინა.
„გუშინ 14 წელი გავიდა მას შემდეგ, რაც რუსეთი საქართველოში შეიჭრა. სუვერენიტეტის ამ უხეშმა დარღვევამ და მსოფლიოს სუსტმა პასუხმა გამოიწვია ის დაუსჯელობის განცდა, რომელიც იგრძნო პუტინმა და საშუალება მისც,ა ორჯერ შეჭრილიყო უკრაინაში, დახმარებოდა ასადს სირიაში, განევითარებინა ვაგნერის დაქირავებულ მებრძოლთა რაზმი და დაემყარებინა დე ფაქტო კონტროლი ბელარუსზე.
Yesterday marked the 14th anniv of #Russia’s invasion of #Georgia. This violation of sovereignty & the world’s weak reaction led to the impunity #Putin felt to invade Ukraine twice, assist Assad in Syria, develop the Wagner mercenaries, & take de-facto control of #Belarus.
— Senate Foreign Relations Committee Ranking Member (@SenateForeign) August 8, 2022
წელს 14 წელიწადი გავიდა 2008 წლის სამხედრო კონფლიქტის დაწყებიდან, რომელსაც „აგვისტოს ომის“ სახელით მოიხსენიებენ. ომი 5 დღე გაგრძელდა, რის შემდეგაც საქართველომ დაკარგა კონტროლი კოდორის ხეობასა და ახალგორის რაიონზე.
ოფიციალური ინფორმაციით, 2008 წლის აგვისტოში საქართველოში რუსეთის შეჭრის შედეგად დაღუპულია საქართველოს თავდაცვის სამინისტროს 169 მოსამსახურე, შინაგან საქმეთა სამინისტროს 14 თანამშრომელი და 224 სამოქალაქო პირი.
