უკრაინის საგარეო საქმეთა მინისტრი დმიტრო კულება გამოეხმაურა საქართველოს ახალ საგარეო საქმეთა მინისტრად ილია დარჩიაშვილის დანიშვნას და აღნიშნა, რომ მასთან თანამშრომლობას ელის.
ამასთან, კულებამ განაცხადა, რომ რუსეთის აგრესიის წინააღმდეგ საქართველოს მხარდაჭერის იმედი აქვს.
„ველი მუშაობას საქართველოს ახლად დანიშნულ საგარეო საქმეთა მინისტრ ილია დარჩიაშვილთან ერთად, რათა უკრაინასა და საქართველოს შორის სტრატეგიული პარტნიორობა გავაძლიეროთ. საქართველოს სრული მხარდაჭერის იმედი გვაქვს რუსეთის აგრესიის წინააღმდეგ ბრძოლაში“, – დაწერა ტვიტერზე კულებამ.
Looking forward to working together with Ilia Darchiashvili, the newly appointed Minister of Foreign Affairs of Georgia, to further strengthen the strategic partnership between Ukraine and Georgia. Counting on Georgia’s full support in countering Russian aggression @iliadarch
— Dmytro Kuleba (@DmytroKuleba) April 4, 2022
გუშინ, 4 აპრილს, საქართველოს საგარეო საქმეთა მინისტრის პოსტზე დავით ზალკალიანის ნაცვლად ილია დარჩიაშვილი დაინიშნა. დარჩიაშვილი მანამდე მთავრობის ადმინისტრაციის ხელმძღვანელის პოსტს იკავებდა და პირველ მარტს ვიდეომიმართვით გამოეხმაურა უკრაინის კრიზისს, გაუგებარი უწოდა საქართველოდან ელჩის გაწვევას და ისაუბრა დესტრუქციული ძალების მიერ საქართველოს ომში ჩაბმის მცდელობების შესახებ.
მისი თქმით, საქართველოს მკაფიო პოზიციაა უკრაინელი ხალხის მხარდაჭერა და საქართველოში სიმშვიდისა და სტაბილურობის შენარჩუნება.
ვინ არის ახალი საგარეო საქმეთა მინისტრი და რა პოზიცია აქვს უკრაინაზე