The Heritage Foundation-ის მკვლევარი ლუკ კოფი აცხადებს, რომ ახლა დროა, საქართველოს კბილებამდე შეიარაღება დაიწყოს.
მისი თქმით, არ უნდა დაელოდონ იმას, თუ როდის გადაწყვეტს რუსეთი საქართველოში ისევ შეჭრას.
“ახლა დროა, დავიწყოთ საქართველოს კბილებამდე შეიარაღება – და არ დაველოდოთ რამდენიმე კვირას, სანამ რუსეთი გადაწყვეტს მათთან (ისევ) შეჭრას, როგორც უკრაინაში”, – წერს ტვიტერზე ლუკ კოფი.
Now is the time to start arming Georgia to the teeth–and not waiting a few weeks before Russia decides to invade them (again) like Ukraine.
— Luke Coffey (@LukeDCoffey) February 25, 2022
რუსეთმა უკრაინაში მასობრივი, სასტიკი ომი 24 თებერვალს დაიწყო, რასაც, უკრაინის მთავრობის ინფორმაციით, 137-ზე მეტი სამხედრო და სამოქალაქო პირი ემსხვერპლა. გარდა ამისა, განადგურებულია არაერთი რუსული სამხედრო თვითმფრინავი, ჯავშანმანქანა და ვერტმფრენი.
რუსეთმა 25 თებერვალს, გამთენიისას, დაიწყო კიევის დაბომბვა.
