გაეროს ადამიანის უფლებათა უმაღლესი კომისრის ოფისი ეხმაურება საქართველოს სახელმწიფო ინსპექტორის სამსახურის გაუქმების შესახებ პარლამენტის ინიციატივას და მას შემაშფოთებელს უწოდებს.
„ღრმა შეშფოთებას გამოვთქვამთ შეთავაზებაზე, პარლამენტმა გააუქმოს სახელმწიფო ინსპექტორის სამსახური, დამოუკიდებელი ინსტიტუტი, რომელსაც აკისრია უმნიშვნელოვანესი როლი წამების პრევენციისა და პირადი ცხოვრების დაცვის კუთხით“, – წერს კომისრის ოფისი ტვიტერზე.
გაეროს ადამიანის უფლებათა უმაღლესი კომისრის ოფისი მოუწოდებს ინიციატორებს, „უკან გაიხმონ აღნიშნული ინიციატივა და უზრუნველყოფილ იქნას ადამიანის უფლებათა ეროვნული მექანიზმების დამოუკიდებლობა“.
#Georgia: Deep concern over proposals for Parliament to abolish State Inspector’s office, an independent institution with key role in #TorturePrevention & privacy protection. We call for the initiative to be withdrawn & to ensure independence of national human rights mechanisms.
— UN Human Rights (@UNHumanRights) December 27, 2021
„ქართული ოცნების“ წევრმა დეპუტატებმა მოამზადეს კანონპროექტი, რომლის მიხედვითაც სახელმწიფო ინსპექტორის თანამდებობა და სახელმწიფო ინსპექტორის სამსახური გაუქმდება, ხოლო მის ნაცვლად ორი უწყება: სპეციალური საგამოძიებო სამსახური და პერსონალურ მონაცემთა დაცვის სამსახური შეიქმნება.
სახელმწიფო ინსპექტორის, ლონდა თოლარაიას თქმით, სახელმწიფო ინსპექტორის სამსახურს დამოუკიდებლობის გამო სჯიან.
მისი თქმით, ახალი კანონპროექტით არა სახელმწიფო ინსპექტორის სამსახურის რეორგანიზაცია, არამედ სამსახურის ლიკვიდაცია ხდება.
ვრცლად: