პარლამენტმა სახელმწიფო ინსპექტორის სამსახურის გაუქმების შემდეგ შექმნილი სამსახურების ხელმძღვანელები აირჩია.
საგამოძიებო სამსახურის ხელმძღვანელად აირჩიეს მოქმედი პროკურორი კოკა კაციტაძე, პერსონალურ მონაცემთა დაცვის ინსპექტორის თანამდებობაზე კი- ლელა ჯანაშვილი.
კენჭისყრა პარლამენტში დღეს, 15 თებერვალს, პარლამენტის პლენარულ სხდომაზე გაიმართა.
სპეციალური საგამოძიებო სამსახურის უფროსს პარლამენტი სრული შემადგენლობის უმრავლესობით 6 წლის ვადით ირჩევს.
1 მარტიდან სახელმწიფო ინსპექტორის სამსახურში იქმნება ორი — სპეციალური საგამოძიებო და პერსონალურ მონაცემთა დაცვის სამსახური. ლონდა თოლორაიას და ომბუდსმენის აპარატს ინსპექტორის სამსახურის გაუქმების საკითხი საკონსტიტუციო სასამართლოში აქვთ გასაჩივრებული, თუმცა პარლამენტი სასამართლოს არ დაელოდა და თოლორაიას შემცვლელები ისე დანიშნა.
