ნეტგაზეთი | ნატოს სამიტზე საქართველოსა და უკრაინის უწყვეტი მხარდაჭერის საკითხიც განიხილება – სტოლტენბერგი ნატოს სამიტზე საქართველოსა და უკრაინის უწყვეტი მხარდაჭერის საკითხიც განიხილება – სტოლტენბერგი – Netgazeti
RU | GE  

ნატოს სამიტზე საქართველოსა და უკრაინის უწყვეტი მხარდაჭერის საკითხიც განიხილება – სტოლტენბერგი

ნატოს მომავალ სამიტზე, რომელიც 14 ივნისს ბრიუსელში უნდა გაიმართოს, საქართველოსა და უკრაინის მხარდაჭერის საკითხიც განიხილება. ამის შესახებ ნატოს გენერალურმა მდივანმა იენს სტოლტენბერგმა სამიტის დღის წესრიგის შესახებ გამართულ პრესკონფერენციაზე განაცხადა.

მისი თქმით, 14 ივნისს დაგეგმილი სამიტი მნიშვნელოვანი მომენტია ალიანსისა და კოლექტიური უსაფრთხოებისათვის.

როგორც ნატოს გენერალურმა მდივანმა განაცხადა, მოკავშირეები ასევე განიხილავენ რუსეთის აგრესიულ ქმედებებს.

“მოკავშირეები განიხილავენ მთელ რიგ სხვა საკითხებს[…] ასევე,  ჩვენი ღირებული პარტნიორების, საქართველოსა და უკრაინის უწყვეტი მხარდაჭერის საკითხს”, – განაცხადა იენს სტოლტენბერგმა.

14 ივნისს დაგეგმილ ნატოს სამიტზე საქართველო და უკრაინა მიწვეულები არ არიან.

ნეტგაზეთის მასალების სხვა გამოცემებში გადაბეჭდვის წესი
ავტორი