რა ხდება ნინოწმინდის პანსიონში? — ფოტოები აქციიდან

"ქართული ოცნება" კვლავ აპირებს რუსული კანონის მიღებას. ეს კანონპროექტი 2023 წლის მარტში მასობრივი პროტესტის შემდეგ "ოცნებამ" უკან გაიწვია და პირობა დადო, რომ მას აღარასოდეს დაუბრუნდებოდა.
ანალოგიურმა კანონმა რუსეთში გააქრო ყველა დემოკრატიული ინსტიტუტი და გაამყარა პუტინის რეჟიმი.

დღეს, პირველ ივნისს, ბავშვთა უფლებების საერთაშორისო დღეს მთავრობის ადმინისტრაციასთან საპროტესტო აქცია/პერფორმანსი გაიმართა.

აქციის მონაწილეები ნინოწმინდის ბავშვთა პანსიონში მიმდინარე მოვლენებს აპროტესტებდნენ. დაწესებულებაში, სადაც 56 ბავშვი ცხოვრობს და რომელიც ეკლესიის დაქვემდებარებაშია, სახალხო დამცველს მონიტორინგისთვის არ უშვებენ.

აქციის მთავარი მოთხოვნაა, სახელმწიფომ ზემოაღნიშნულის აღსაკვეთად ჯეროვანი ზომები მიიღოს. ასევე:

დაუყოვნებლივ უზრუნველყოს სახალხო დამცველის წარმომადგენლების შეუფერხებელი ვიზიტი ნინოწმინდის პანსიონატში, სადაც მათ მიეცემათ ბავშვებთან ინდივიდუალური გასაუბრების შესაძლებლობა;
დაიწყოს დიდი ზომის ბავშვთა პანსიონატების დახურვა და ბავშვების ბიოლოგიურ ოჯახებში დაბრუნება ან მათი ოჯახურ გარემოსთან მიახლოებულ ზრუნვის მცირე დაწესებულებებში გადაყვანა გონივრულ ვადებში.

აქციის მიმდინარეობისას აქ ულტრანაციონალისტური განწყობების ჯგუფი მოვიდა, მათ კონტრაქცია გამართეს და შეურაცხმყოფელი ლექსიკით მიმართავდნენ აქციის მონაწილეებს.

ადგილზე მობილიზებული იყო პოლიცია, რომელმაც განარიდა კონტრაქციის წევრები.

აქციის ბოლოს მოქალაქეებმა ბანერს მოაწერეს ხელი და მხარდაჭერა გამოუცხადეს აქციის მოთხოვნებს. ორგანიზატორები აცხადებენ, რომ ხელმოწერებიან ბანერს შემდგომ პარლამენტში მიიტანენ.