“ქართული ოცნების” წევრი, დეპუტატი ლადო კახაძე კორონავირუსის წინააღმდეგ “ასტრაზენეკას” ვაქცინით პირდაპირ ეთერში აიცრა. მან აცრა რესპუბლიკურ საავადმყოფოში ჩაიტარა.
როგორც კახაძემ ჟურნალისტებს უთხრა, “ვაქცინა არის ერთადერთი გზა ამ სივერაგის [კორონავირუსის] დასამარცხებლად”.
დეპუტატის თქმით, კარგი განწყობა აქვს და თავს კარგად გრძნობს. მან მოუწოდა ყველას, რომ იხელმძღვანელონ პრაგმატული მიდგომით და ერთად იბრძოლონ კორონავირუსის დასამარცხებლად.
“ვაქცინა დაეხმარება ორგანიზმს, გამოიმუშაოს ანტისხეულოები და გაანადგუროს კორონავირუსი”, — თქვა კახაძემ, რომელიც პროფესიით ექიმია. მან ვაქცინაციისკენ განსაკუთრებით მოუწოდა მედიკოსებს.
“ასტრაზენეკას” ვაქცინით გუშინ, 23 მარტს აიცრა ჯანდაცვის მინისტრი ეკატერინე ტიკარაძეც.
