ნეტგაზეთი | წამლების ფასს მოსახლეობა ჯანდაცვის ყველაზე დიდ პრობლემად ასახელებს – NDI წამლების ფასს მოსახლეობა ჯანდაცვის ყველაზე დიდ პრობლემად ასახელებს – NDI – Netgazeti
RU | GE  

წამლების ფასს მოსახლეობა ჯანდაცვის ყველაზე დიდ პრობლემად ასახელებს – NDI

NDI-ს ახალი კვლევის თანახმად, მოსახლეობის უმეტესობა ამბობს, რომ წამლების ფასი ჯანდაცვის სისტემის ყველაზე დიდი პრობლემაა.

კვლევის ფარგლებში გამოკითხულ მოქალაქეებს ჰკითხეს, თუ რას დაასახელებდნენ ჯანდაცვის სისტემის ყველაზე დიდ პრობლემად – მათი უმეტესობა, 46% ასახელებს წამლების საფასურს. წამლების შემდეგ ყველაზე პრობლემურ საკითხად მოქალაქეები პანდემიასთან გამკლავებას ასახელებენ.

ამავე კვლევაში ნათქვამია, რომ 2020 წლის აგვისტოში მთავარ პრობლემად წამლებს ასახელებდა მოსახლეობის 56%, თუმცა ამავე თვეში არ გამოკვლეულა მოქალაქეთა დამოკიდებულება პანდემიის მიმართ.

სქრინი NDI-ს კვლევიდან

წამლების ფასის გარდა, ჯანდაცვის სისტემის გამოწვევებად ასევე დასახელდა საავადმყოფოების ხელმისაწვდომობა კორონავირუსის დროს, სამედიცინო მუშაკთა პროფესიონალიზმი, ექიმთან ვიზიტების საფასური და სხვა.

ქალაქებსა და სოფლებს შორის მოქალაქეთა პასუხები ასე გადანაწილდა:

სქრინი NDI-ს კვლევიდან


დღეს, 25 ინვარს გამოქვეყნებული კვლევა 17-24 დეკემბრის პერიოდში ჩატარდა საქართველოს მასშტაბით 2 053 სატელეფონო ინტერვიუს წარმომადგენლობითი შერჩევის საფუძველზე, ქვეყნის სრულწლოვან მოსახლეობას შორის (ოკუპირებული ტერიტორიების გამოკლებით). გამოკითხვის საშუალო ცდომილების ზღვარი არის +/- 1.1 პროცენტი. რესპონდენტები შემთხვევით ნომერზე დარეკვის მეთოდით შეირჩნენ. NDI-ის კვლევები ხორციელდება დიდი ბრიტანეთის მთავრობის UK aid-ის ფინანსური ხელშეწყობით და ატარებს CRRC საქართველო.

ნეტგაზეთის მასალების სხვა გამოცემებში გადაბეჭდვის წესი
ავტორი
ნინო ბიძინაშვილი არის რეპორტიორი 2017 წლის 25 სექტემბრიდან